फटाके फोडतांना काळजी घ्या; फटाक्यातील पावडर पेटवताच चेहरा भाजून दृष्टी गमावण्याची वेळ..

उद्रेक न्युज वृत्त :-सध्या दिवाळीचा उत्सव संपूर्ण देशात मोठ्या उत्साहात साजरा करण्यात येत आहे.विशेषतः लहानांपासून ते थोरांपर्यंत अनेकजण दिवाळी निमित्त फटाके फोडून सणाच्या उत्साहात भर घालतांना दिसून येतात.अश्याच प्रकारे बीड शहरातील एका आठ वर्षीय मुलाने काल सोमवारी सकाळच्या सुमारास फटाके फोडण्याचा प्रयत्न केला.फटाके फोडत असतांना काही फटाके फुटले नसल्याने त्याने फटाके छिलून त्यातील पावडर एका कागदावर गोळा केली.पावडर कागदावर गोळा करून पेटवताच पावडरचा अचानकपणे मोठा भपका उडाला.यात आठ वर्षीय राजेश राजेंद्र शिकलकरी रा.नागोबा गल्ली,ता.जि.बीड याचा चेहरा भाजून डोळ्यास गंभीर इजा झाली आहे.त्यामुळे दृष्टी गमावण्याची वेळ चिमुकल्यावर आली आहे. चिमुकल्याचा डोळ्याच्या बाहुली जवळील भागाला मोठी जखम झाल्याने त्याच्यावर दृष्टी गमावण्याची वेळ आली आहे.त्यामुळे फटाके फोडतांना काळजी घ्या,विशेषतः पालकांनी लहान मुलांवर लक्ष ठेवावे. जेणेकरून एखादा अनुचित प्रकार घडू नये.