पोलीस हवालदार अडकला एसीबीच्या जाळ्यात; पोलिस ठाण्याच्या आवारातच सापळा कारवाई..

नागपूर :-एका पोलीस हवालदारास तब्बल ४० हजाराची लाच घेतांना नागपूरच्या एसीबी पथकाने पोलिस ठाण्याच्या आवारातच रंगेहाथ पकडले.सचिन तायडे असे लाचखोर पोलिस हवालदाराचे नाव असून ते नागपूरच्या जरीपटका पोलिस ठाण्यात कार्यरत आहेत. सदरची कारवाई जरीपटका पोलिस ठाण्याच्या आवारातच करण्यात आल्याने परिसरात एकच खळबळ माजली.सचिन तायडे यांनी प्रकरणातील तक्रारदारास ५० हजार रुपयांची लाच मागितली.तडजोडीअंती ४० हजाराची मागणी केली.लाच दिली नाही तर साहेबांना राग येईल,अशीही बतावणी केली.पोलिसांच्या कारवाईचा धाक दाखविण्यात आल्याने तक्रारदाराने ४० हजारांत फायनल केले.मात्र,तक्रारदार यांनी एसीबीकडे तक्रार केली.ठरल्याप्रमाणे लाचेची रक्कम घेऊन तायडे यांनी तक्रारदारास पोलिस ठाण्यात बोलावले.त्यामुळे एसीबीने पोलिस ठाण्याच्या परिसरातच सापळा रचला.काल बुधवारच्या रात्री ८ वाजता तायडेने ४० हजारांची लाच घेताच एसीबीच्या पथकाने तायडे यांना जेरबंद केले. विशेष म्हणजे,प्रकरणातील तक्रारदार यांचे पोलीस ठाण्यातील प्रकरण मिटविण्यासाठी ५० हजार तर अदखलपात्र गुन्हा(एनसी)दाखल न करण्यासाठी ४० हजार रुपये मागण्यात आले होते.४० हजारांत प्रकरण मिटविण्याचे ठरलेले असतांनाच गुन्हा दाखल करण्यात आल्याची माहिती तक्रारदारास मिळाल्याने सदरचे प्रकरण थेट एसीबीकडे पोहोचल्याची चर्चा आहे.