पोलिस कर्मचाऱ्याचा कारनामा; चक्क महिलेशी करायचा अश्लील संभाषण.. – जिल्हा पोलिस अधीक्षकांकडे तक्रार..

गोंदिया :-ज्याच्याकडून रक्षणाची व न्यायाची अपेक्षा केली जाते,असे कार्यकर्तेच नाहक त्रास देऊ लागत असतील तर न्यायाची अपेक्षा करावी तरी कुणाकडेअसा प्रश्न निर्माण झाला आहे.अश्यातच गोंदिया जिल्ह्याच्या गोरेगाव पोलिस ठाण्यातून एक धक्कादायक बाब समोर आली आहे.येथील कार्यरत पोलिस कर्मचाऱ्याने चक्क त्याच तालुक्यातील एका महिलेशी भ्रमणध्वनीवर अश्लील संभाषण केल्याचा पुण्यप्रताप केला असून सहन करणारा कितीदा सहन करणार,प्रकरणी महिलेने जिल्हा पोलिस अधीक्षक कार्यालय गाठून पोलिस अधीक्षकांकडे तक्रार केली आहे.विशेष म्हणजे,गोरेगाव पोलीस ठाण्याने त्या पोलीस कर्मचाऱ्याचे नाव गुपित ठेवून निलंबनाचा प्रस्ताव पोलिस अधीक्षकांकडे पाठविल्याच्या चर्चांना उधाण आले आहे.महिलेशी अश्लील संभाषण करणारा पोलीस कर्मचारी संभाषणावरच थांबला नाही तर महिलेशी वारंवार संपर्क करून त्रासही दिला.या त्रासाला कंटाळून महिलेने ऑडिओ रेकॉर्डिंगसह जिल्हा पोलिस अधीक्षकांकडे तक्रार केल्याची तालुक्यात चर्चा सुरू आहे.त्यामुळे तो पोलिस कर्मचारी कोण?अशी चर्चा सर्वत्र रंगू लागली आहे.महत्वाचे म्हणजे,पोलीस खाते हे संवेदनशील खाते आहे.या खात्याचा थेट संपर्क जनतेशी येतो.त्यामुळे चुकीचे वर्तन आणि तेही महिलेशी संबंधित असल्याने त्या पोलीस कर्मचाऱ्याला बडतर्फ करण्याची मागणी सुजाण नागरिकांकडून केली जात आहे.