निविदा न काढताच बिल काढणे,आयोगाच्या निधीची अफरातफर करणे; ग्रामसेवक निलंबित..

गोंदिया :-गाव विकासासाठी केंद्र शासन व राज्य शासनाकडून दरवर्षी कोट्यवधी रुपयांचा निधी ग्रामपंचायतींना दिला जातो.काही ग्रामपंचायती गाव विकासाकडे लक्ष घालतात तर काही ग्रामपंचायत अधिकारी व पदाधिकारी मिळून गाव विकास न करता भकास कामे करून रक्कम गिळंकृत करण्याचा प्रयत्न करीत आहेत.अश्याच प्रकारे गोंदिया जिल्ह्याच्या सालेकसा तालुक्यातील ब्राम्हणी(पाथरी)  ग्रामपंचायतीत ग्रामपंचायत अधिकारी म्हणजेच ग्रामसेवकाचा अजब-गजब कारनामा उघडकीस आल्यानंतर त्याच्यावर निलंबनाची कारवाई करण्यात आली आहे.संजू भुरा खोब्रागडे,असे निलंबन झालेल्या ग्रामसेवकाचे नाव असून सदरची कारवाई गोंदिया जिल्हा परिषदेचे मुख्य कार्यकारी अधिकारी मुरुगानंथम एम.यांनी महाराष्ट्र जिल्हा परिषदा,जिल्हा सेवा(वर्तणूक)नियम १९६७ मधील नियम ३ च्या तरतुदींचा भंग केल्याप्रकरणी केली आहे.