Tuesday, November 17, 2026
Homeकोरचीगजबचा कारनामा..! नाडेकल-बेटकाठी-ढोलीगोटा मार्गावरील पूल वापराआधीच कोसळला.. -आमदार मसरामांची कंत्राटदार आणि जबाबदार...

गजबचा कारनामा..! नाडेकल-बेटकाठी-ढोलीगोटा मार्गावरील पूल वापराआधीच कोसळला.. -आमदार मसरामांची कंत्राटदार आणि जबाबदार अधिकाऱ्यांवर कठोर कारवाईची मागणी..

- Advertisement -
- Advertisement -
- Advertisement -
- Advertisement -
उद्रेक न्युज वृत्त 
कोरची(गडचिरोली):-गडचिरोली जिल्ह्याच्या कोरची तालुक्यातील नाडेकल-बेतकाठी-ढोलीगोटा मार्गावरील खोब्रागडी नदीवरील पुलाबाबत अत्यंत धक्कादायक आणि गंभीर प्रकार उघडकीस आला आहे.सार्वजनिक बांधकाम विभागाच्या अखत्यारित बांधकाम करण्यात आलेला पूल वापरात येण्यापूर्वीच कोसळल्याने प्रशासनाचा भोंगळ कारभार चव्हाट्यावर आला आहे. विशेष म्हणजे,या पुलाचे एक पिल्लर तसेच दोन स्लॅब हे एकदा नव्हे,तर तब्बल दोनदा कोसळले.त्यामुळे या कामाच्या गुणवत्तेबाबत गंभीर शंका निर्माण झाली असून,संबंधित कंत्राटदाराच्या कामकाजावर बोट ठेवण्यात आले आहे.
स्थानिक नागरिकांच्या आरोपानुसार,पुलाचा तुटलेला भाग दिसू नये,यासाठी सिमेंट-काँक्रिटचे अवशेष रेतीखाली दाबण्यात आले.या प्रकारामुळे केवळ भ्रष्टाचाराचाच नव्हे,तर नागरिकांच्या जीवाशी खेळ केल्याचा आरोपही होत आहे.दरम्यान,या संपूर्ण प्रकरणाची चौकशी करण्यासाठी समिती नेमण्यात आली होती.मात्र,चौकशी अहवालानंतरही अद्याप कोणतीही ठोस कारवाई करण्यात आलेली नाही. त्यामुळे नागरिकांमध्ये तीव्र संताप व्यक्त होत असून, प्रशासनाच्या भूमिकेबाबत नाराजी व्यक्त केली जात आहे.या पार्श्वभूमीवर आरमोरी विधानसभा क्षेत्राचे आमदार रामदास मसराम यांनी घटनास्थळी भेट देऊन पुलाची पाहणी केली.पाहणीनंतर त्यांनी तीव्र नाराजी व्यक्त करत संबंधित कंत्राटदार आणि जबाबदार अधिकाऱ्यांवर तात्काळ कठोर कारवाई करण्याची मागणी केली आहे. विशेष म्हणजे,वापरात येण्यापूर्वीच पुलाची अशी दयनीय अवस्था झाल्याने भविष्यातील सुरक्षेचा प्रश्न ऐरणीवर आला आहे.जर हा पूल वापरात आला असता,तर मोठा अपघात होण्याची शक्यता नाकारता आली नसती,अशी भीती स्थानिकांनी व्यक्त केली.सार्वजनिक बांधकाम विभागाच्या या भोंगळ आणि निष्काळजी कारभारामुळे परिसरात तीव्र नाराजी पसरली असून,संपूर्ण प्रकरणाची उच्चस्तरीय चौकशी करून दोषींवर कडक कारवाई करण्याची मागणी जोर धरत आहे.
  • रामदास मसराम,आमदार,आरमोरी विधानसभा क्षेत्र👇
सदरचा प्रकार अत्यंत गंभीर असून,नागरिकांच्या जीवाशी थेट खेळ केला जात आहे.दोषींना वाचवण्याचा प्रयत्न सहन केला जाणार नाही.
Udrek News

- Advertisement -

मुख्य संपादक

RELATED ARTICLES
LATEST ARTICLES

Recent News

गडचिरोलीतील वैद्यकीय महाविद्यालय,राष्ट्रीय महामार्ग आणि अन्य विकासकामे अनावश्यक वन्यजीव परवानग्यांच्या अटींमुळे प्रलंबित राहू नयेत- मुख्यमंत्री देवेंद्र फडणवीस – बांबू लागवडीतून इथेनॉल निर्मितीला चालना..

उद्रेक न्युज वृत्त  मुंबई :-गडचिरोलीसारख्या दुर्गम व आदिवासीबहुल जिल्ह्यातील वैद्यकीय महाविद्यालय,राष्ट्रीय महामार्ग आणि अन्य विकासकामे अनावश्यक वन्यजीव परवानग्यांच्या अटींमुळे प्रलंबित राहू नयेत.प्रत्यक्ष व्याघ्र भ्रमणमार्ग नसलेल्या...

सायबर गुन्हेगारांनी चक्क पोलीस आयुक्तांचाच व्हॉट्सॲप केला हॅक..!

उद्रेक न्युज वृत्त :-सायबर गुन्हेगार कधी काय करतील याचा नेम नाही.सर्वसामान्य नागरिकांना टार्गेट करणाऱ्या सायबर गुन्हेगारांनी चक्क पोलीस आयुक्तांचेच व्हॉट्सॲप हॅक करून त्यांच्या स्टेटसवर...

आजचे मंत्रिमंडळ निर्णय; नक्षलवाद्यांनी सुरक्षा दलांकडून लुटून नेलेल्या शस्त्रांबाबत माहिती देणाऱ्यांना मिळणार रोख बक्षीस..

उद्रेक न्युज वृत्त  मुंबई :-राज्य मंत्रिमंडळाची आज,मंगळवार १७ नोव्हेंबर रोजी मुख्यमंत्री देवेंद्र फडणवीस यांच्या अध्यक्षतेखाली मुंबईत महत्वपूर्ण बैठक पार पडली.या बैठकीत एकूण चार निर्णय घेण्यात...

राष्ट्रवादी काँग्रेस पक्षातील सर्व आमदारांचा दुष्काळग्रस्त शेतकरी बांधवांना मदतीचा हात.. -एक महिन्याचे वेतन दिले मुख्यमंत्री सहाय्यता निधीस..

उद्रेक न्युज वृत्त  मुंबई :-राज्यातील दुष्काळग्रस्त शेतकरी बांधवांना मदतीचा हात देण्यासाठी अजित पवार गटाच्या राष्ट्रवादी काँग्रेस पक्षातील विधानसभा आणि विधान परिषदेतील सर्व आमदारांनी आपले एक...

Visitor Counter

- Advertisment -spot_imgspot_img

Recent News

Most Popular

error: Content is protected !!