कोरोनामध्ये किंवा युद्धामध्ये जेवढ्या लोकांचा मृत्यू झाला नसेल,तेवढे मृत्यू दरवर्षी रस्ते अपघातामध्ये होतात.. – लोकांची मानसिकता बदलत नाही; तोपर्यंत आपण यावर नियंत्रण मिळवू शकत नाही- नितीन गडकरी

नागपूर :- ‘रस्ता सुरक्षा अभियान २०२५’ दिनांक- १ जानेवारी ते ३१ जानेवारी २०२५ या कालावधीत राबविण्यात येत आहे.त्यानुसार विविध ठिकाणी रस्ता सुरक्षा अभियान अंतर्गत कार्यक्रम आयोजित करून रस्ते सुरक्षा बाबत जनजागृती करण्यात येत आहे.अश्याच एका कार्यक्रमात नितीन गडकरी म्हणाले की,वाहतुकीचे नियम तोडणाऱ्यांना कितीही दंड ठोठावला,कितीही कडक कायदे केले; तरीही रस्ते अपघातातील मृत्यू थांबलेले नाहीत.हेल्मेट न घातल्याने मृत्यूचे प्रमाण मोठे आहे.लोकांची मानसिकता बदलत नाही; तोपर्यंत आपण यावर नियंत्रण मिळवू शकत नाही.शासकीय वाहनांमध्ये देखील नियम पाळले जात नाहीत.अनेकदा मी दंड वाढवला म्हणून नाराजी पत्करली.मात्र,शालेय जीवनातच वाहतुकीच्या नियमांचे धडे मिळणे आवश्यक आहेत; असे प्रतिपादन केंद्रीय रस्ते वाहतूक व महामार्ग मंत्री नितीन गडकरी यांनी आज,शनिवार ११ जानेवारीला सडक सुरक्षा अभियानांतर्गत वनामती येथे आयोजित कार्यक्रमात अभिनेते अनुपम खेर यांनी गडकरी यांची प्रकट मुलाखत घेतली.प्रसंगी ते बोलत होते.