उद्रेक न्युज वृत्त
देसाईगंज:- तालुक्यातील एकलपुर येथे युवा क्रिकेट क्लबच्या सौजन्याने भव्य लाँग पीच क्रिकेट स्पर्धेचे उद्घाटन आज २ फेब्रुवारी ला ११ वाजेच्या सुमारास राष्ट्रवादी काँग्रेस पक्षाचे देसाईगंज तालुकाध्यक्ष क्षितिज उके यांच्या हस्ते करण्यात आले.
ग्रामीण भागातील युवा वर्गांतून खेळांच्या माध्यमातून त्यांच्या अंगी असलेले सुप्त कला गुण बाहेर पडावे व गावातच नव्हे तर राज्य स्तरावर उत्कृष्ट खेळाडू निर्माण व्हावा व गावचेच नव्हे तर देशाचे नाव उज्ज्वल करावे; यासाठी विविध प्रकारचे खेळ खेळून स्पर्धांचे आयोजन विविध मंडळांकडून करण्यात येते.अशाच प्रकारचे आयोजन करून लाँग पीच क्रिकेट स्पर्धेचे उद्घाटन तालुक्यातील एकलपुर नजीकच्या पटांगणावर करण्यात आले.
क्रिकेट स्पर्धेच्या उद्घाटन प्रसंगी राकाँचे देसाईगंज तालुकाध्यक्ष क्षितिज उके,भाजपा जिल्हा उपाध्यक्ष मोतीलाल कुकरेजा,ग्रामपंचायत सरपंचा नागमोती ताई,अविनाश राघोर्ते,कपिल बोरकर, प्रतिष्ठित नागरिक,पदाधिकारी,युवा मंडळाचे कार्यकर्ते व क्रिकेटप्रेमी मोठ्या संख्येने उपस्थित होते.
