उद्याला दहावी बोर्डाच्या परीक्षेचा निकाल..

उद्रेक न्युज वृत्त :-महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात आलेल्या फेब्रुवारी-मार्च-२०२६ बारावी परीक्षेचा निकाल नुकताच शनिवार,२ मे २०२६ रोजी जाहीर करण्यात आला.अश्यातच दहावी बोर्डाच्या परीक्षेच्या निकालाची आतुरतेने वाट पाहणाऱ्या विद्यार्थ्यांसाठी आनंदाची बातमी असून महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्च-२०२६ मध्ये घेतलेल्या दहावी बोर्डाच्या परीक्षेचा निकाल  उद्या,शुक्रवार ८ मे रोजी दुपारी एक वाजता ऑनलाईन पद्धतीने जाहीर होणार आहे.निकालापूर्वी सकाळी अकरा वाजता मंडळाकडून पत्रकार परिषद घेऊन निकालाची अधिकृत घोषणा केली जाणार आहे. त्यानंतर,विद्यार्थ्यांना मंडळाच्या अधिकृत संकेतस्थळांवर निकाल पाहता येणार आहे.यासंदर्भातील अधिकृत घोषणा आज गुरुवारी राज्य मंडळाने केली असून महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे,नागपूर,छत्रपती संभाजीनगर,मुंबई, कोल्हापूर,अमरावती,नाशिक,लातूर आणि कोकण या नऊ विभागीय मंडळांमार्फत दहावी बोर्डाची परीक्षा घेण्यात आली होती.त्यानुसार,उद्या शुक्रवारी या सर्व विभागीय मंडळांच्या परीक्षेचा निकाल जाहीर केला जाईल.

• ‘या’ ठिकाणी पाहता येणार दहावीचा निकाल👇