आमदार मसराम यांची वडेगांव आश्रमशाळेला भेट.. -विद्यार्थी बुडून मृत पावलेल्या घटणास्थळाची पाहणी व शाळा व्यवस्थापनाशी‌ चर्चा..

कुरखेडा(गडचिरोली):-कुरखेडा तालुक्याच्या वडेगांव येथील क्रांतीविर नारायण सिंह उईके आदिवासी आश्रमशाळेत इयत्ता दुसरीत शिक्षण घेणाऱ्या ८ वर्षीय वेदांत शंकर पदा रा.नवेझरी,ता.कुरखेडा,जि.गडचिरोली या विद्यार्थ्याचा शाळेजवळील तलावाच्या पाण्यात बुडून मृत्यू झाला होता.या घटणास्थळाला व आश्रमशाळेला काल,शनिवार,४ एप्रील रोजी आरमोरी विधानसभा क्षेत्राचे आमदार रामदास मसराम यांनी भेट देत येथील व्यवस्थेची व सोई-सुविधांची पाहणी करीत उपस्थित विद्यार्थी व शाळा प्रशासनाशी चर्चा केली.पाहणी दरम्यान आश्रमशाळेत अनेक समस्या निदर्शानास आल्या.या समस्या मार्गी लावत आदिवासी निवासी विद्यार्थांची सुरक्षितता सुनिश्चित करीत शाळेतील सोई-सुविधा व दर्जेदार शिक्षणाबाबत कुठल्याही प्रकारची तडजोड होता कामा नये,अशी सूचना व्यवस्थापणाला केली.तसेच तात्काळ आदिवासी विकास प्रकल्प अधिकारी गडचिरोली यांच्याशी भ्रमणध्वनीवर संपर्क करीत जिल्ह्यातील सर्व आदिवासी आश्रमशाळांच्या व्यवस्थेची तपासणी करण्याची सूचना केली.यावेळी मसराम यांनी विद्यार्थ्यांच्या शाळेलगत असलेल्या ज्या तलावात विद्यार्थ्याचा बुडून दुर्दैवी मृत्यू झाला,त्या तलावाची सुद्धा प्रत्यक्ष पाहणी केली.याप्रसंगी माजी जिल्हा परिषद उपाध्यक्ष तथा कांग्रेस तालुकाध्यक्ष जिवन पाटील नाट,जिल्हा उपाध्यक्ष जयंत पाटील हरडे,माजी पंचायत समिती सभापती गिरीधर तितराम, ज्येष्ठ नेते आनंदराव जांभूळकर,माजी सरपंच संजय कोरेटी,माजी नगरसेवक उस्मान पठाण,भावेश मुंगनकर,शाळेचे मुख्याध्यापक गिरीपूंजे आदि उपस्थित होते.