आता ७६ वा प्रजासत्ताकदिन ध्वजारोहणाचा मुख्य शासकीय समारंभ राज्यभर एकाच वेळी… – शासन परिपत्रक निर्गमित..

राष्ट्रध्वजाला वंदन करतांना “राष्ट्रगीत” म्हणण्यात यावे/वाजविण्यात यावे व त्यानंतर लगेचच सावधान स्थितीत येऊन “राज्यगीत” वाजविण्यात यावे. ध्वजारोहण समारंभ अध्यक्षस्थान स्विकारणाऱ्या मान्यवरांनी/अधिकाऱ्यांनी अशा प्रसंगी भाषण करावे किंवा नाही हे स्वतः ठरवावे.सलामीच्या वेळी सज्ज असलेला बँन्ड सलामीपूर्वी व सलामीनंतर वाजविण्यास हरकत नसावी.ध्वजारोहणाची रंगीत तालीम घेतली जाईल,याची दक्षता घेण्याबाबत सर्व संबंधितांना सूचना द्याव्यात.राष्ट्रध्वज सुस्थितीत असल्याबाबत व सूर्यास्तास उतरवला जाईल याचीही दक्षता घेण्यात यावी.प्रजासत्ताक दिनाच्या समारंभाला सर्व शासकीय अधिकारी व कर्मचारी उपस्थित राहतील याची दक्षता घ्यावी.उत्सव अथवा औपचारिक प्रसंगी परिधान करावयाचा राष्ट्रीय पोषाख प्रजासत्ताक दिन समारंभ प्रसंगी उपस्थित रहाणाऱ्या सर्व अधिकाऱ्यांनी व व्यक्तींनी परिधान करावा; असा सल्ला त्यांना मंत्रालयीन विभाग,विभागीय आयुक्त व जिल्हाधिकारी व सर्व संबंधित विभाग/कार्यालय प्रमुख यांनी द्यावा.स्थानिक लोक प्रतिनिधी,स्वातंत्र्य सैनिक,शहिद जवानांच्या पत्नींना व आई-वडील यांना समारंभास निमंत्रित करावे.समारंभानंतर संबंधित विभागीय आयुक्त व जिल्हाधिकारी यांनी सदर समारंभास निमंत्रित केलेल्या मान्यवरांची यादी शासनास तात्काळ सादर करावी.अधिकाधिक नागरिकांना हा सोहळा घरबसल्या पाहता यावा, यासाठी वेबसाईटद्वारे थेट प्रक्षेपण करण्याचा प्रयत्न करावा.दिवसभरातून विविध कार्यक्रम जसे वृक्षारोपण,आंतर शालेय/आंतर महाविद्यालय स्तरावर वक्तृत्व स्पर्धा,प्रश्नमंजूषा/देशभक्तीपर निबंध व कविता स्पर्धांचे आयोजन करावे.प्रभात फेऱ्या काढण्यात याव्यात.सांस्कृतिक कार्यक्रम तसेच विविध खेळांचे आयोजन करण्यात यावे.महत्वाच्या योजनेचा शुभारंभ करावा,शासकीय इमारतीवर विद्युत रोषणाई करावी, एनएसएस व एनवायकेएस द्वारे देशभक्तीपर मोहिम राबविण्यात यावी,तसेच सोशल मिडीया व Digital माध्यमाद्वारे देशभक्तीपर किंवा राष्ट्रीय एकात्मते संबंधातील गाण्यांचा प्रचार करावा/संदेश द्यावा, याप्रमाणे प्रजासत्ताक दिन साजरा करण्याच्या दृष्टीने आवश्यक ती कार्यवाही करावी,असे निर्गमित करण्यात आलेल्या शासन परिपत्रकात म्हटले आहे.