अजब प्रेयसीचा गजब सल्ला अन् खुनाचा झाला उलगडा…

मयूर गेल्या काही दिवसांपासून पैशासाठी आईला मारहाणसुद्धा करायला लागला.त्यामुळे करणला नेहमी वाईट वाटत होते.यादरम्यान पाच सप्टेबरला मयूरने दारुच्या पैशासाठी आईला मारहाण केली. त्यावेळी करण घरी होता.त्याने मयूरची समजूत घालून घराबाहेर जाण्यास सांगितले.मात्र,त्याने करणला मारहाण करण्यास सुरुवात केली.चिडलेल्या करणने घरातील चाकू घेऊन त्याच्यावर दोनदा हल्ला केला. त्यामुळे तो रक्ताच्या थारोळ्यात पडला.काही वेळातच मयूरचा मृत्यू झाला.ठाणेदार हरिष बोराडे यांना कुटुंबीयांवरच संशय होता.त्यामुळे त्यांनी करणच्या हालचालींवर बारिक लक्ष ठेवले.

करणने मयूरचा आईसमोरच खून केला.त्यानंतर मध्यरात्रीच्या सुमारास त्याने भावाचा मृतदेह घराच्या छतावर नेला. तेथून तो मृतदेह चिखलात फेकून दिला. घरात येऊन त्याने रक्ताने माखलेले कपडे पेटवून दिले आणि राख शौचालयात टाकली.त्याच्या आईने घरातील रक्ताचे डाग स्वच्छ केले.मुलाचा खून झाल्याबाबत अनभिज्ञता दाखवत पोलिसांची दिशाभूल केली.