उद्रेक न्युज वृत्त
गडचिरोली : – जिल्ह्यात अवैधरीत्या रेती तस्करी मोठ्या प्रमाणावर फोफावली असून महसूल विभागातर्फे काही जणांवर कारवाईचा बडगा उगारण्यात येतो तर काही जणांना जणूकाही सूट मिळाली की काय? अशी परिस्थिती निर्माण झाली आहे.जिल्ह्यात अनेक रेती घाटांचे लिलाव झाले नसल्याने रेती तस्करीस मोठ्या प्रमाणावर उधाण आले आहे.अशातच आरमोरी तालुक्यातील डोंगरतमाशी येथील खोब्रागडी नदीच्या पात्रातून मोठ्या प्रमाणावर रेतीचा अवैध उपसा आणि वाहतूक होत असल्याची माहिती पोलिसांना मिळाली.त्यानुसार पोलिस अधीक्षक नीलोत्पल यांच्या आदेशानुसार स्थानिक गुन्हे शाखेचे पोलिस निरीक्षक उल्हास भुसारी,उपनिरीक्षक दीपक कुंभारे,राहुल आव्हाड आणि त्यांच्या सहकारी पोलिसांनी १४ मार्च २०२३ च्या रात्री घटनास्थळी धाड टाकली.काही जण ट्रक आणि टिप्परसह जेसीबी आणि पोकलेनच्या सहाय्याने रेती उपसा करीत असल्याचे निदर्शनास आले.त्यानुसार १६ जणांना अटक करून ३ कोटी ३० लाख ४० हजारांची वाहने व अन्य साहित्य पोलिसांनी जप्त केले.याप्रकरणी न्यायालयाने त्यांना १४ दिवसांची पोलिस कोठडी सुनावली आहे.रेती तस्करांवर पोलिसांनी केलेली गडचिरोली जिल्ह्यातील सर्वांत मोठी कारवाई मानली जात आहे.
सदर कारवाई दरम्यान १) निखील शंकरराव भुरे, वय ३५ वर्ष, रा.वाठोडा, ता.जिल्हा नागपूर २) राहुल बाजीराव घोरमोडे, वय ३० वर्ष, रा.बेटाळा,पो.किनी, ता.ब्रम्हपूरी, जिल्हा चंद्रपूर ३) सोनल नानाजी उईके, रा. डोंगर तमाशी, ता. आरमोरी, जिल्हा गडचिरोली ४) धनंजय यशवंत मडावी, रा. डोंगर तमाशी, ता. आरमोरी, जिल्हा गडचिरोली ५) यशवंत महादेव मडकाम, रा. कुरडीमाल, ता. आरमोरी, जिल्हा गडचिरोली ६) नितेश उमेशजी मालोदे, वय ३० वर्ष, रा. निलज, ता. पवणी, जिल्हा भंडारा ७ ) अफसर अनवर शेख, वय २६ वर्ष, रा. ता. भिवापूर, जिल्हा नागपूर ८) अब्दुल राजीक मो. इस्माईल, वय ५४ वर्ष, रा. कलीम कॉलनी, अमरावती ९) अत्ताउल्ला खॉन रियाज उल्ला खॉन, वय ३० वर्ष, रा. लालखडी, अमरावती १०) नरेश तुकाराम ढोक, वय ३४ वर्ष, रा. ता. भिवापूर, जिल्हा नागपूर ११) नासीर नाजीम शेख, वय १९ वर्ष, रा. बिडगाव ताजनगर, ता. कामठी जिल्हा नागपूर १२) संतोष ज्ञानेश्वर पवार, वय २८ वर्ष, रा. तळेगाव ठाकुर, ता. तिवसा, जिल्हा अमरावती १३) शेख वसीम शेख जलील, वय २८ वर्ष, रा. मंगरुड दस्तगिर, ता. धामनगाव, जिल्हा अमरावती १४) निखील गोपाल सहारे, वय २३ वर्ष, रा. विरली, ता. लाखंदुर, जिल्हा भंडारा १५) जावेद जमीर खॉन, वय २८ वर्ष, ह. मु. पांढूरना, बहादुरा फाटा, नागपूर ता. जि. कायमचा पत्ता रा. ओलंग, जिल्हा लात्तेहार (झारखंड) १६) शाम मनसाराम चौधरी, वय ३५ वर्ष, रा. कोरदा, ता. नागभिड, जिल्हा चंद्रपूर असे एकुण १६ इसमांना ताब्यात घेवून पोलीस स्टेशन आरमोरी येथे दिलेल्या कायदेशीर फिर्यादीवरुन अप.क्र. ७५/२०२३ कलम ३७९, ३४, २०१ भा.दं.वि. अन्वये गुन्हा नोंद करण्यात आला आहे.
सर्वात मोठी कारवाई मानली जात असली तरी आरमोरी महसूल विभाग याबाबत अनभिज्ञ कसे?अवैध रेती उपसा बाबत महसूल विभागास साधी कानकुनही न लागणे म्हणजे कुठेतरी पाणी मुरल्या गेले असावे; अशी शंका-कुशंका बळावली आहे.
