विकृतीचा कळस..! गर्भवती महिलेवर अतिप्रसंग करणाऱ्या नराधमास पोलिसांनी ठोकल्या बेड्या… – केस दाबण्याचा प्रयत्न..

गडचिरोली :-लोकांची मानसिकता केव्हा बदलेल,देव जाणे.अशातच विकृतीचा कळस गाठणाऱ्यांना सहकार्य करणारेही किती हुशार म्हणावे लागेल. एखाद्याच्या आई-बहिणींसोबत अनुचित प्रकार घडू नयेत,यासाठी प्रयत्न करण्याऐवजी सहकार्य करून केस दाबण्याचा प्रयत्न गडचिरोली जिल्ह्याच्या अहेरी तालुक्यात नुकताच उघडकीस आला आहे.शौचासाठी गावालगतच्या झुडपती जंगलात गेलेल्या एका गर्भवती महिलेवर अतिप्रसंग करणाऱ्या नराधमास पोलिसांनी राजकीय दबाव झुगारून बेड्या ठोकल्या आहेत.नराधमाची नुकतीच पोलिस कोठडीतून रवानगी न्यायालयीन कोठडीत झाली असून सध्या तो कारागृहात आहे.प्रवीण गोविंदा मंढरे वय ३८ वर्षे, रा.वेलगूर,ता.अहेरी,जि.गडचिरोली असे अतिप्रसंग करणाऱ्या नराधमाचे नाव आहे.सदरची घटना १ एप्रिलला घडली असून काल,शुक्रवारी ४ एप्रिलला सर्वत्र उघडकीस आली.पोलीस सूत्रांनुसार,अहेरी तालुक्याच्या वेलगूर गावातील आरोपी प्रवीण मंढरे हा २३ वर्षीय पिडीत गर्भवती महिलेच्या मागे गेला व तिला घट्ट पकडून अतिप्रसंग करू लागला.पीडितेने प्रतिकार करत आरडाओरड केली.आवाज ऐकून गावातील एक व्यक्ती तेथे गेला असता,त्याला पाहून प्रवीण मंढरे याने पळ काढला.महिला ही गावालगतच्या झुडपी जंगलात शौचासाठी गेली होती.आरोपी प्रवीण मंढरे  हा एका राजकीय पक्षाशी संबंधित आहे.त्याच्यावर गुन्हा नोंद होऊ नये, यासाठी राजकीय दबाव आणण्याचा प्रयत्न झाला,पण पोलिसांनी दबाव झुगारुन पीडितेची फिर्याद नोंदवली. पीडितेच्या फिर्यादीवरुन भारतीय न्याय संहिता (बीएनएस)कलम ७४,७५,७६ अन्वये गुन्हा नोंद झाला.