राहत्या घरी तरुणीची गळफास घेऊन आत्महत्या..

नागपूर :- एका तरुणीने आपल्या राहत्या घरी गळफास लावून आत्महत्या केल्याची घटना काल सोमवारी कामठी (नवीन) पोलिस ठाण्याच्या हद्दीतील देवनगरी येथे उघडकीस आली.पीयूषा ऊर्फ पीयू रंगलाल येलेकर वय २८ वर्षे,रा.देवनगरी,नवीन कामठी असे मृत तरुणीचे नाव आहे.पीयूशाला मिरगीचा आजार होता; असे कुटुंबीयांचे म्हणणे आहे.रविवारी तिचे आई-वडील नागपूरला नातेवाइकांकडे गेले होते.घरी कुणीही नसल्याचे पाहून पीयूशाने घरातील बेडरूममध्ये छताच्या हुकाला ओढणीने गळफास लावून आपली जीवनयात्रा संपविली.काल सोमवारी सकाळच्या सुमारास आई-वडील घरी आले असता,ती छताला लटकलेल्या अवस्थेत आढळून आली.घटनेची माहिती मिळताच पोलिसांनी घटनास्थळ गाठून पंचनामा केला व मृतदेह उत्तरीय तपासणीसाठी कामठी उपजिल्हा रुग्णालयात पाठविला.पीयूषाने नेमकी आत्महत्या कशासाठी केली; याचे कारण कळू शकले नाही.याप्रकरणी कामठी (नवीन) पोलिसांनी अकस्मात मृत्यूची नोंद करून पुढील तपास ठाणेदार प्रमोद पोरे करीत आहेत.