गडचिरोली :-गडचिरोलीहून आरमोरी मार्गे जाणाऱ्या अज्ञात ट्रकने तब्बल सात अल्पवयीन मुलांना जोरदार धडक दिल्याने यात चार मुलांचा मृत्यू झाला,तर एक मुलगा गंभीर जखमी तर दोन मुले किरकोळ जखमी झाल्याची हृदयद्रावक घटना आज,गुरुवार ७ ऑगस्ट रोजी पहाटे साडेचार ते पाच वाजेच्या सुमारास घडली.अपघातात १.टिकू नामदेव भोयर वय १५ वर्षे,२.तन्वीर बालाजी मानकर वय १६ वर्षे या दोघांचा जागेवरच मृत्यू झाला.तर ३.१४ वर्षीय तुषार राजू मारबते व ४.१४ वर्षीय दूषण दुर्योधन मेश्राम यांचा गडचिरोली जिल्हा सामान्य रुग्णालयात उपचारादरम्यान मृत्यू झाला.क्षितिज तुळशीराम मेश्राम हा गंभीर जखमी असून त्याला पुढील उपचारासाठी नागपूरला हलविण्यात आले.आदित्य धनंजय कोहपरे यासह एक मुलगा किरकोळ जखमी असल्याने दोघांवर गडचिरोली जिल्हा रुग्णालयात उपचार सुरू आहे.वरील सातही मुले ही गडचिरोली तालुक्याच्या काटली(साखरा)येथील रहिवासी असून ते आज गुरुवार पहाटेच्या सुमारास गडचिरोली-आरमोरी मार्गावरील काटली वरून साखरा मार्गे कसरत(व्यायाम)करण्याकरीता गेले होते.मार्गावरून पायी चालत जात असतांनाच गडचिरोलीहून आरमोरीच्या दिशेने जाणाऱ्या अज्ञात ट्रकने सातही अल्पवयीन मुलांना जोरदार धडक दिली.धडक इतकी भीषण होती की,टिकू व तन्वीर या दोन चिमुकल्यांचे शरीर छिन्न-विच्छिन्न झाले.सातही मुलांना धडक देऊन अज्ञात ट्रक चालक वाहनासह घटनास्थळावरून पसार झाला असून पोलीस प्रशासन त्याचा शोध घेत आहेत. करीता गडचिरोली-आरमोरी व इतर मार्गावरून कसून तपासणी सुरू आहे.मुलांच्या दुर्दैवी मृत्यूने सर्वत्र स्मशान शांतता पसरली आहे.
नागरिकांनी घटनास्थळी एकच हंबरडा फोडला👇
