पोटात दुखू लागल्याने झाला भांडाफोड; अल्पवयीन विद्यार्थिनी आठ महिन्यांची गर्भवती.. – तरुणावर अत्याचार आणि पॉक्सो कायद्यांतर्गत गुन्हा दाखल..

नागपूर :-वयात आल्यानंतर मुला-मुलींमध्ये एकमेकांविषयी आकर्षण वाढते आणि तिथूनच पुढे सुरू होतेय अनोखी ‘लव्हस्टोरी’ ही काही सांगण्याची गरज नाही.पण,अल्पवयीनांची ‘लव्हस्टोरी’ चिरकाल टिकणारी नसतेच,हेही तितकेच खरे.यात सापडला तर गुन्हेगार, नाहीतर..न बोललेलं बरं.! अश्यातच एका १९ वर्षीय युवकाने १५ वर्षीय अल्पवयीन मुलीवर अत्याचार केल्याची धक्कादायक घटना नागपूरच्या नंदनवन पोलिस ठाण्याच्या हद्दीत नुकतीच उघडकीस आली आहे.विशेष म्हणजे,पीडित मुलगी इयत्ता दहावीत शिक्षण घेत असतांनाच तसेच ती पूर्व नागपूरमध्ये एका शिकवणी वर्गात जात असल्याच्या कालावधीत तरुणाने तिच्यावर अत्याचार केला. दरम्यान,२३ एप्रिल २०२६ रोजी विद्यार्थिनीच्या पोटात दुखू लागल्याने तिच्या कुटुंबीयांनी तिला रुग्णालयात नेले.तिथे ती आठ महिन्यांची गर्भवती असल्याचे उघड झाले आणि तिने सर्व आपबिती कथन केली.प्रकरणी कुटुंबीयांनी नंदनवन पोलिस ठाण्यात धाव घेत तक्रार दाखल केली.हर्षल युवराज नारनावरे वय १९ वर्षे, रा.वाठोडा रोड,हिवरीनगर,नागपूर असे आरोपीचे नाव असून पोलिसांनी त्यांच्यावर अत्याचार आणि पॉक्सो कायद्यांतर्गत गुन्हा दाखल करून अटक केली आहे.

मागील वर्षी १० जून २०२५ रोजी विद्यार्थिनी शिकवणी वर्गाला जात असतांना हर्षलने तिला थांबवले आणि त्याच्या दुचाकीवर बसण्यास सांगितले.तिने नकार दिल्यावर त्याने तिच्या वडिलांना जीवे मारण्याची धमकी दिली.त्यानंतर,हर्षल त्या विद्यार्थिनीला बिडगावमधील एका मित्राच्या लॉजमध्ये घेऊन गेला आणि तिथे तिच्यावर अत्याचार केला.तिने याबद्दल कुठेही वाच्यता केल्यास तिच्या आई-वडिलांना जीवे मारण्याची धमकी त्याने दिली.यानंतर, हर्षलने त्या विद्यार्थिनीवर ४ ते ५ वेळा अत्याचार केला.मात्र,मुलीच्या पोटात दुखू लागल्याने संपूर्ण प्रकरणाचा भांडाफोड होऊन तरुणास बेड्या पडल्या.