उद्रेक न्युज वृत्त
धानोरा(गडचिरोली) :- तामिळनाडू येथून लोखंडी साहित्य घेऊन येत असताना गडचिरोली-धानोरा मार्गावर गिरोला गावापासून एक किलोमिटर अंतरावर असलेल्या नाल्यात ट्रेलर ट्रक पलटी होऊन अचानक ट्रकला आग लागली.सदरची घटना आज,दिनांक- १० जून रोजी सकाळी १० वाजे घडली.घटनेची माहिती नागरिकांना कळतच नागरिकांनी लगेच धानोरा पोलिस ठाण्यास संपर्क साधून अवगत केले.ठाण्याचे पोलिस निरीक्षक व कर्मचारी यांनी तातडीने घटनास्थळी धाव घेत ट्रकमध्ये फसलेल्या चालकाला सर्वप्रथम बाहेर काढले त्यात चालकाचे दोन्ही पाय भाजल्याने धानोरा ग्रामीण रुग्णालयतून तात्काळ रुग्णवाहिका बोलाविण्यात आली व चालकाला ग्रामीण रुग्णालयात उपचारासाठी पाठवण्यात आले.लागलेली आग विझवण्यासाठी सर्वजण प्रयत्न करीत होते.त्यानंतर धानोरा येथील नगरपंचायतीचे अग्निशामक वाहन व गडचिरोली येथील अग्निशामक वाहन बोलाविण्यात आले व आग आटोक्यात आणली.त्यामुळे मोठा अनर्थ टळला.
धानोरा येथील पोलिस निरीक्षक स्वप्निल धुळे व कर्मचारी यांनी तत्परता दाखवल्यामुळे ट्रकचालकाचे प्राण वाचले.ट्रक चालकाचे दोन्ही पाय भाजले असून त्याला गडचिरोली रुग्णालयात उपचारासाठी हलविण्यात आले आहे.
