नक्षलविरोधी कारवाई सुरू असतांनाच चकमक; एक नक्षली ठार तर आयईडीच्या स्फोटात जवान जखमी..

उद्रेक न्युज वृत्त :-छत्तीसगडच्या सुकमा आणि दंतेवाडा जिल्ह्याच्या सीमेवरील जंगलात सुरक्षा दलांचे संयुक्त पथक नक्षलविरोधी अभियान राबवित असतांनाच नक्षल्यांनी गोळीबार सुरू केला.प्रत्युत्तरात एक नक्षलवादी ठार झाला तर चकमकीदरम्यान नक्षलवाद्यांनी पेरलेल्या आयईडीच्या स्फोटात ३ जवान जखमी झाले.सर्व जखमी सैनिकांना उपचारासाठी तात्काळ उच्च वैद्यकीय केंद्रात पाठवण्यात आले.त्यांची प्रकृती सध्या स्थिर आणि धोक्याबाहेर असल्याचे पोलिस अधीक्षक किरण चव्हाण यांनी स्पष्ट केले.राज्य पोलिस दल, एसटीएफ,डीआरजी आणि सीआरपीएफचे जवान या दोन्ही युनिट्स या कारवाईत सहभागी असून चकमकीच्या ठिकाणाची तपासणी करतांना एका पुरूष नक्षलवाद्याचा मृतदेह सापडला.ही कारवाई अजूनही सुरू असल्याने जमिनीवर तैनात असलेल्या दलांच्या सुरक्षिततेची खात्री करण्यासाठी सध्या नेमके ठिकाण आणि इतर तपशील उघड करता येणार नाहीत,असेही पोलिस अधीक्षक किरण चव्हाण यांनी माहिती देतांना स्पष्ट केले.