धावत्या ट्रकचा वेग कमी झाल्याने भरधाव मालवाहू गाडी ट्रकवर आदळली.. – एकजण जागीच ठार तर दोघे गंभीर जखमी..

नागपूर :-परतीच्या वाटेवर असतांना त्याच मार्गावर ट्रक जात होता.ट्रकमध्ये अचानकपणे बिघाड झाल्याने ट्रकचा वेग कमी झाला आणि मागून भरधाव वेगात असलेल्या आयशर मालवाहतूक गाडीची ट्रकला जोरदार धडक बसली.यात आयशर गाडीतील एकजण जागीच ठार झाला,तर दोघे गंभीर जखमी झाले.झालेल्या अपघातात साकिर समशेर अली वय ३६ वर्षे,रा.देवलापार, ता.रामटेक,जि.नागपूर यांचा जागीच मृत्यू झाला.तर विजय सोदराम कुमरे वय ३५ वर्षे आणि विलास चरण कोडवते वय २८,दोघेही रा.निमटोला,देवलापार, ता.रामटेक दोघे गंभीर जखमी झाले.सदरची घटना नागपूर-जबलपूर राष्ट्रीय महामार्गावरील हरणाकुंड नाल्याजवळील कट्टा शिवारात पहाटे साडेतीनच्या सुमारास घडली.

रामटेक तालुक्याच्या देवलापार येथील व्यापारी हेमंतकुमार जैन यांचा किराणा व्यवसाय आहे.साकिर अली हे जैन यांच्या मालकीच्या एमएच ४० वाय ४००९ क्रमांकाची आयशर मालवाहतूक गाडी चालवायचे. घटनेच्या वेळी सदरची मालवाहतूक गाडी ही नागपूरला किराणा साहित्य आणण्यासाठी गेली होती.साकिर अली सह दोघेजण सहप्रवासी होते.रात्रीच्या सुमारास किराणा साहित्य घेऊन नागपूरवरून देवलापारकडे निघाली होती. देवलापारपासून तीन किलोमिटर अंतरावर असतांना

हरणाकुंड नाल्याजवळील कट्टा शिवारात समोर

नागपूरहून येत असलेला एमएच ४० बीएल २५१२ क्रमांकाच्या ट्रकमध्ये अचानक बिघाड झाल्याने त्याचा वेग कमी झाला.त्यामुळे भरधाव वेगात असलेल्या मालवाहतूक आयशर गाडीने ट्रकला जोरदार धडक दिली.धडकेत साकीर अली यांचा जागीच मृत्यू झाला.

धडक इतकी भयावह होती की साकीर अली यांचा

शरीर गाडीच्या समोरील भागात अडकला.त्यास बाहेर काढण्यासाठी मोठी कसरत करावी लागली.दोन्ही जखमींना तात्काळ रुग्णालयात दाखल करण्यात आले. मात्र,दोघांची प्रकृती गंभीर आहे.याप्रकरणी देवलापार पोलिस ठाण्यात अपघाताची नोंद करण्यात आली असून घटनेचा पुढील तपास ठाणेदार नारायण तुरकुंडे यांच्या मार्गदर्शनात पोलिस उपनिरीक्षक टीकाराम जाधव करीत आहेत.