चक्क पोलिसांनीच पकडले पोलिसाला..!

तक्रारदार हे एका ट्रस्टचे संयुक्त सचिव असून एका कायदेशीर प्रकरणामध्ये मदत करण्याच्या मोबदल्यात वरिष्ठ पोलीस निरीक्षक बाबुराव देशमुख यांनी पाच लाख रुपयांची मागणी केली होती.सदर कामासाठी कमीत कमी तीन लाख रुपये द्यावेच लागतील,अशी मागणी करण्यात आली.कारवाई दरम्यान तडजोडीअंती अडीच लाख रुपये स्वीकारण्याचे मान्य केले.तक्रारदारास लाच देण्याची इच्छा नसल्याने त्यांनी याची तक्रार लाच लुचपत प्रतिबंधक विभागाकडे केली.त्यानुसार काल मंगळवारी सापडा रचण्यात आला.त्यानुसार वरिष्ठ पोलीस निरीक्षक बाबुराव देशमुख यांना एक लाखाची लाच स्वीकारताना रंगेहाथ पकडले व बाबुराव देशमुख याचेवर लाचलुचपत प्रतिबंधक कायदा १९८८ कलम ७ अन्वये गुन्हा दाखल करण्यात आला असून पुढील कारवाई सुरू आहे.