उद्रेक न्युज वृत्त
औरंगाबाद :- नऊ लाख रुपयांच्या बदल्यात परीक्षेत डमी उमेदवार बनून गेला.मात्र युवकास सुरक्षारक्षकाने परीक्षेदरम्यान हॉलमध्ये अंगझडती घेताना पकडले. त्यामुळे परीक्षेचा पेपर देण्याऐवजी त्याच्यासह परीक्षार्थीच्या हातात बेड्या पडल्याचा प्रकार शिपाईपदाच्या परीक्षेत घडला.अविनाश सजन गोमलाडू असे या डमी विद्यार्थ्याचे नाव आहे.तर विकास शाहूबा शेळके असे मूळ विद्यार्थ्याचे नाव आहे.या दोघांविरोधात एमआयडीसी सिडको पोलिस ठाण्यात गुन्हा नोंदवण्यात आला आहे.दोन्ही युवकांना पोलिसांनी ताब्यात घेतले आहे.दरम्यान, डमी उमेदवार अविनाशची झडती घेतल्यानंतर त्याच्याकडे ४ हजार रुपये किमतीचे एटीएम ट्रान्समीटर, ब्लूटुथ डिव्हाइस, मख्खी एअर फोन, मोबाईल आढळून आला. त्याशिवाय मूळ उमेदवाराची कागदपत्रेही अविनाश कडे सापडली आहेत.
हायटेक तंत्रज्ञानाच्या माध्यमातून तो बाहेरून प्रश्नाची उत्तरे मागविणार होता.चिकलठाणा एमआयडीसी भागातील आयऑन परीक्षा सेंटरवर हा प्रकार समोर आला आहे.विद्यार्थी मित्राच्या जागेवर परीक्षा देणा-या डमी विद्यार्थी मित्राला एमआयडीसी सिडको पोलिसांनी १ फेब्रुवारी रोजी दुपारी अटक केली होती. तर ज्याच्या जागेवर परीक्षा देण्यासाठी आला होता. त्या मूळ विद्यार्थी मित्राला २ फेब्रुवारी रोजी पोलिसांनी अटक केली आहे.एमआयडीसी सिडको पोलिसांनी सांगितले की,चिकलठाणा एमआयडीसीतील आयऑन डिजिटल झोनचे विभागीय व्यवस्थापक वैभव पवार पाटील यांनी याबाबत फिर्याद दिली. दरम्यान,आरोपी अविनाश याने विकासच्या नावावर परीक्षा हॉलमध्ये प्रवेश केला.मात्र त्याची हालचाल संसायस्पद वाटत होती.
