उद्रेक न्युज वृत्त
गडचिरोली :- शेड्युल कॉस्ट फेडरेशन तर्फे गडचिरोली तालुक्याच्या जिल्हा परिषद प्राथमिक शाळा मारकबोडी येथे काल मंगळवार दिनांक- ७ नोव्हेंबर रोजी विध्यार्थी दिन मोठ्या उत्साहात साजरा करण्यात आला.
विध्यार्थी दिनाच्या कार्यक्रमा प्रसंगी शेड्युल कॉस्ट फेडरेशनचे राष्टीय अध्यक्ष ॲड.विनय बांबोळे यांनी विद्यार्थ्यांना मोलाचे मार्गदर्शन केले.मोलाचे मार्गदर्शन करतांना म्हटले की,डॉ.बाबासाहेब आंबेडकर यांनी पहिल्या वर्गापासुनच इंग्रजी शिक्षण घेतले.शिक्षण घेतांना हाल अपेष्टा सहन करुन मोठे झाले.त्यांचे शैक्षणिक कार्य महान आहे.म्हणुनच डॉ.आंबेडकराचे शैक्षणिक कार्य प्रत्येक विद्यार्थ्यानी आत्मसात करणे आवश्यक आहे.
सदर कार्यक्रमास,कार्यक्रमाचे अध्यक्षस्थानी शेड्युल कास्ट फेडरेशनचे राष्टीय अध्यक्ष ॲड.विनय बांबोळे हे होते तर प्रमुख पाहुणे म्हणुन रिपब्लिकन पार्टी गडचिरोलीचे जिल्हाध्यक्ष प्रा.मुनिश्वर बोरकर, रिपब्लिकन पार्टीचे चंद्रपूर जिल्हाध्यक्ष गोपाल रायपूरे,शाळेचे मुख्याध्यापक देविदास गणविर , पोलिस पाटिल पंडित मेश्राम शेकाफेचे युवा नेते चेतन सहारे,रुषी कोसरे,आदि लाभले होते.याप्रसंगी प्रा.मुनिश्वर बोरकर म्हणाले की, भिमजन्मभूमी महु च्या आव्हानाला साद घालुन आजच्या दिनी प्रत्येक शाळेत ७ नोव्हेंबर हा दिवस विद्यार्थी दिन म्हणुन साजरा करावा.
इंग्रजी कालावधीत इंग्रजी वर प्रभुत्व गाजवुन शिक्षण पुर्ण करणारे घटनाकार डॉ.बाबा साहेब आंबेडकरांप्रमाणे विद्यार्थी तयार झाले पाहिजे; असा संदेश गोपाल रायपुरे यांनी दिला.कार्यक्रमाचे प्रास्ताविक गणविर यांनी केले तर संचालन विनायक कोडापे व आभार प्रदर्शन प्रतिभा सुकारे हिने मानले. सदर कार्यक्रमास शाळेतील विध्यार्थी बहुसंख्येने उपस्थित होते.
