दुष्काळग्रस्त शेतकरी बांधवांना दिलासा; दिवाळीपूर्वी मिळणार पाच हजार रूपयांची मदत..

मुंबई :-महाराष्ट्र राज्य सरकारने दुष्काळग्रस्त यादीत ४० नवीन तालुक्यांचा समावेश केल्यामुळे ३५८ पैकी एकूण ३०५ तालुक्यांमध्ये दुष्काळ घोषित करण्यात आला आहे.अश्यातच खरीप हंगामात शेतीचे मोठे नुकसान झाल्यामुळे आणि अंतिम भरपाईची तांत्रिक प्रक्रिया दिवाळी सणापूर्वी पूर्ण होणे अशक्य असल्याने, राज्यातील शेतकरी बांधवांना दिवाळीत तात्काळ आधार देण्यासाठी शेतकऱ्यांच्या खात्यात थेट पाच हजार रूपयांची मदत दिली जाणार आहे.दुष्काळामुळे अडचणीत सापडलेल्या शेतकऱ्यांच्या बँक खात्यात दिवाळीपुर्वी पाच हजार रूपयांची अग्रीम मदत म्हणून जमा केली जाणार असून त्याची तात्काळ अंमलबजावणी करण्यात येणार असल्याचे राज्याचे मुख्यमंत्री देवेंद्र फडणवीस यांनी आज बुधवारी सह्याद्री अतिथीगृहात पार पडलेल्या राज्य मंत्रिमंडळाच्या बैठकीनंतर माध्यमांशी संवाद साधतांना स्पष्ट केले. त्यानुसार,थेट लाभ हस्तांतरण म्हणजेच डीबीटीद्वारे शेतकऱ्यांच्या बँक खात्यात पाच हजार रुपये जमा होणार आहेत.यामुळे ऐन सणाच्या पार्श्वभूमीवर दुष्काळग्रस्त शेतकरी बांधवांना काही प्रमाणात आर्थिक मदतीचा दिलासा मिळणार आहे.