नगर परिषदेचा अभियंता लाच लुचपत प्रतिबंधक विभागाच्या कचाट्यात..

कोल्हापूर :-नगर परिषदेंतर्गत करण्यात आलेल्या कामांचे एमबी रेकॉर्ड म्हणजेच मोजमाप पुस्तिका रजिस्टर पूर्ण करून देण्याच्या मोबदल्यात ४० हजार रुपयांची लाच घेतांना एका नगर परिषदेच्या नगर अभियंत्यास(स्थापत्य)एसीबीने रंगेहाथ अटक केली आहे.प्रदिप पांडुरंग देसाई वय ३२ वर्षे,पद-नगर अभियंता (स्थापत्य),नगरपरिषद मुरगुड,ता.कागल,जि.कोल्हापूर या ठिकाणी नेमणूक तर नगरपरिषद हुपरी,ता.हातकणंगले, जि.कोल्हापूर या ठिकाणी पूर्वी कार्यरत होते.सदरचा प्रकार हा हुपरी नगरपरिषदेत घडला.

एसीबीने दिलेल्या माहितीनुसार,प्रकरणातील तक्रारदार हे स्वतः कंत्राटदार असून त्यांनी हुपरी नगरपरिषद अंतर्गत कामे पूर्ण केलेली आहेत.त्या कामाची एम.बी.रजिस्टर पूर्ण करून देण्याच्या मोबदल्यात हुपरी नगरपरिषदेचे तत्कालीन नगर अभियंता प्रदीप देसाई यांनी तक्रारदार यांचेकडून यापुर्वी ५० हजार रूपये घेतले होते.परत देसाई यांनी १ लाख ५० हजार रुपयांची मागणी केली. तडजोडी अंती १ लाख ३० हजार रुपये देण्याचे ठरले. मात्र,तक्रारदार यांनी ॲन्टी करप्शन ब्युरो,कोल्हापूर येथे तक्रार दिली होती.त्यानुसार,सोमवार १९ जानेवारी २०२६ रोजी लाच लुचपत प्रतिबंधक विभागाच्या पथकाने पडताळणी केली असता देसाई यांनी यापुर्वी ५० हजार स्वीकारल्याचे मान्य करून राहीलेल्या ८० हजारातील पहिला हप्ता म्हणून ४० हजार रूपये लाचेची मागणी केली व उर्वरित ४० हजार रूपये एम.बी.रजिस्टर पूर्ण झाल्यावर घेण्याचे मान्य केले.सापळा कारवाई दरम्यान प्रदिप देसाई यांनी पंच साक्षीदारांचे समक्ष तक्रारदार यांचेकडुन ४० हजाराची रक्कम स्वीकारताच रंगेहाथ पकडण्यात आले.प्रकरणी प्रदिप देसाई विरुद्ध मुरगुड पोलीस ठाण्यात गुन्हा दाखल करण्यात आला आहे.

सदरची कारवाई शिरीष सरदेशपांडे पोलीस उपआयुक्त/पोलीस अधीक्षक,ॲन्टी करप्शन ब्युरो पुणे,अर्जुन भोसले अप्पर पोलीस अधीक्षक ॲन्टी करप्शन ब्युरो पुणे यांचे मार्गदर्शनानुसार,राजेंद्र सानप पोलीस निरीक्षक अतिरिक्त कार्यभार पोलीस उप अधीक्षक ला.प्र.वि.कोल्हापूर पो.हे.कॉ.संदिप काशीद, पो.हे.कॉ.सुधिर पाटील, पो.कॉ.कृष्णा पाटील,चा.पो.कॉ.प्रशांत दावणे ॲन्टी करप्शन ब्युरो  कोल्हापूर यांनी केली आहे.

• आवाहन👇

लाचेच्या अथवा अपसंपदेबाबतच्या तक्रारी असल्यास लाचलुचपत प्रतिबंधक विभागाच्या खालील क्रमांकावर संपर्क साधावा.

१) महासंचालक,लाचलुचपत प्रतिबंधक विभाग,महाराष्ट्र राज्य मुंबई टोल फ्री क्रमांक :- १८००२२२०२१

२)पोलीस अधीक्षक,लाचलुचपत प्रतिबंधक विभाग, पुणे परिक्षेत्र,पुणे दुरध्वनी कमांक- ०२०/२६१२२१३४,

०२०/२६१३२८०२, ०२०/२६०५०४२३.

३)श्रीमती वैष्णवी सुरेश पाटील,पोलीस उपअधीक्षक, लाचलुचपत प्रतिबंधक विभाग कोल्हापूर मो.नं. ९७६४१४०७७७. ९४०४३२१०६४ कार्यालय दुरध्वनी क्रमांक- ०२३१/२५४०९८९.

४) हेल्पलाईन टोल फ्री क्रमांकः- १०६४.