येत्या गुरुवारी रोजगार मेळाव्याचे आयोजन; ईच्छूक उमेदवारांनी उपस्थित राहण्याचे आवाहन..

गडचिरोली :-जिल्हा कौशल्य विकास रोजगार व उद्योजकता मार्गदर्शन केंद्र गडचिरोली,शासकीय औद्योगिक प्रशिक्षण संस्था गडचिरोली आणि इकॉनॉमिक्स इंडस्ट्रीज प्रा.लि.ॲन्ड सोलार इंडिस्ट्रियल इंडिया लिमिटेड नागपूर यांच्या संयुक्त विद्यमाने शासकीय औद्योगिक प्रशिक्षण संस्था,गडचिरोली येथे येत्या,गुरुवार ८ जानेवारी रोजी सकाळी १० वाजता पंडित दिनदयाल उपाध्याय रोजगार मेळाव्याचे आयोजन करण्यात आले आहे.सदर रोजगार मेळाव्यामध्ये इकॉनॉमिक्स इंडस्ट्रीज प्रा.लि.ॲन्ड सोलार इंडिस्ट्रियल इंडिया लिमिटेड,नागपूर ही कंपनी उपस्थित असणार असून उमेदवारांना रोजगार व स्वयंरोजगाराचा लाभ घेण्यासाठी सदर रोजगार मेळाव्याकरिता ईच्छूक उमेदवारांनी स्वतःचा बायोडाटा, आधार कार्ड व शैक्षणिक प्रमाणपत्रांच्या झेराक्स सह स्वखर्चाने येत्या,गुरुवारी शासकीय औद्योगिक प्रशिक्षण संस्था गडचिरोली येथे उपस्थित राहून रोजगार मेळाव्याचा लाभ घ्यावा,असे आवाहन जिल्हा कौशल्य विकास,रोजगार व उद्योजकता मार्गदर्शन केंद्र गडचिरोली यांनी केले आहे.