कुरखेडा आरपीआय पदाधिकाऱ्यांच्या वतीने सरन्यायाधीश भुषण गवई यांच्यावरील भ्याड हल्ल्याचा निषेध..

कुरखेडा(गडचिरोली):-सर्वोच्य न्यायालयाचे सरन्यायाधीश भुषण गवई यांच्यावरील भ्याड हल्ल्याचा कुरखेडा तालुका रिपब्लिकन पक्षाच्या पदाधिकाऱ्यांनी निषेध नोंदवित कुरखेडा तहसील कार्यालयाचे नायब तहसिलदार राजकुमार धनबाते यांच्या मार्फतीने देशाचे राष्ट्रपती व पंतप्रधान यांना निवेदन सादर करण्यात आले.

काही दिवसांपूर्वी सर्वोच्च न्यायालयाच्या दालनात एका प्रकरणात खटला सुरु असतांना राकेश किशोर तिवारी नामक वकिलाने सरन्यायाधीश भुषण गवई यांच्या दिशेने पायात घातलेला जुता काढून भिरकावण्याचा प्रयत्न केला होता.सर्वोच्य न्यायालयाच्या दालनात तेही सरन्यायाधीशांच्या बाबतीत असे कृत्य घडणे हे अशोभनीय व अतिशय निंदनीय आहे.काहीजण

जाती-पंतांच्या नावाखाली मी पणा दाखवून इतर बाबिंवरील जनतेची मने भटकविण्याचा प्रयत्न करीत आहेत.अश्यांना त्यांची जागा दाखविणे आवश्यक आहे. प्रकरणी कुरखेडा तहसिल कार्यालय परिसरात आरपीआयचे गडचिरोली जिल्हाध्यक्ष प्रा.मुनिश्वर बोरकर यांच्या नेतृत्वात नायब तहसिलदार यांना निवेदन देऊन सदर घटनेचा निषेध करण्यात आला व दोषीवर कारवाई करण्याची मागणी निवेदनातून करण्यात आली.

निवेदन सादर करतेवेळी रिपाई जिल्हाध्यक्ष प्रा.मुनिश्वर बोरकर,जिल्हा उपाध्यक्ष मारोती भैसारे,दशरथ साखरे, ताराचंद नंदेश्वर आरमोरी तालुका अध्यक्ष,सोनु साखरे, मुक्ताजी दुर्गे,जिल्हा सरचिटणीस सुनिल सहारे,कुरखेडा तालुका अध्यक्ष प्रमोद सरदारे युवा अध्यक्ष संतोष खोब्रागडे,जेष्ठ नेते चरण कऱ्हाडे, जिल्हा उपाध्यक्ष डोमाजी नंदेश्वर,मंगेश बन्सोड,मोरेश्वर राऊत,धम्मदिप लाडे,नाजुक भैसारे,दादाजी रामटेके बालक भानारकर, मंगेश भानारकर मुर्लीधर कसारे यांचेसहित बहुसंख्य रिपाई पदाधिकारी तथा कार्यकर्ते उपस्थित होते.