निवृत्तीवेतनधारकांनी हयात प्रमाणपत्र सादर करण्याचे आवाहन..

गडचिरोली :-महाराष्ट्र राज्य शासनाच्या निवृत्तीवेतनधारक तसेच कुटुंब निवृत्तीवेतनधारकांना दरवर्षीप्रमाणे यंदाही आपल्या हयात असल्याबाबतचे प्रमाणपत्र सादर करणे आवश्यक आहे.त्यानुसार पुढील महिन्याच्या १ नोव्हेंबर २०२५ पासून हयात प्रमाणपत्र सादर करण्याची प्रक्रिया सुरू होणार असल्याचे जिल्हा कोषागार कार्यालय,गडचिरोली यांनी कळविले आहे.

जिल्ह्यातील सर्व निवृत्तीवेतनधारकांनी आपण ज्या बँकेतून निवृत्तीवेतन किंवा कुटुंब निवृत्तीवेतन घेत आहात,त्याच बँकेत जाऊन हयात प्रमाणपत्र भरावे. जिल्हा कोषागार कार्यालयाद्वारे संबंधित बँकांना निवृत्तीवेतनधारकांची यादी पुरविण्यात आली आहे. त्या यादीवर संबंधित निवृत्तीवेतनधारकांनी स्वतःची अंगठ्याची नोंद किंवा स्वाक्षरी करून आपली उपस्थिती प्रमाणित करावी.तसेच निवृत्तीवेतधारकांनी यादीतील आपला आधार क्रमांक,पॅन क्रमांक व मोबाईल क्रमांक तपासून आवश्यक त्या सुधारणा करून घ्याव्यात,असे अप्पर कोषागार अधिकारी यांनी कळविले आहे.