आता ईव्हीएम मशिनवर असणार उमेदवारांची रंगीत छायाचित्रे..

उद्रेक न्युज वृत्त :-निवडणुकीतील मतदान करतेवेळी अनेक मतदार गोंधळून जात असतात.ईव्हीएम मतपत्रिकेवर केवळ अनुक्रमांक,चिन्ह आणि एकाच नावाचे दोन उमदेवार असल्याने पसंतीच्या उमेदवाराला मतदान न होता भलत्याच उमेदवाराला मतदान होत असते.त्यामुळे मतदारांची सोय आणि निवडणूक प्रक्रिया सुधारण्यासाठी गेल्या सहा महिन्यांत राबविण्यात आलेल्या २८ सुधारणांचा एक भाग म्हणून यापुढे आता इलेक्ट्रॉनिक व्होटिंग मशीनच्या बॅलेट पेपरवर उमेदवारांची रंगीत छायाचित्रे छापली जाणार आहेत. सदरचा प्रयोग सर्वप्रथम बिहार राज्यामध्ये होत असून नंतर इतर राज्यांमध्येही लागू केला जाणार आहे.विशेष म्हणजे,सध्या स्थितीत बिहारमध्ये विधानसभा निवडणुकांची रणधुमाळी सुरू असून अद्याप निवडणुकांच्या तारखा जाहीर व्हायच्या आहेत.ईव्हीएम मतपत्रिकेवर रंगीत छायाचित्रांसह उमेदवारांचे क्रमांक आणि फॉन्ट आकार मोठा असेल,ज्यामुळे मतदारांना ते वाचणे आणि पाहणे सोपे होईल.उमेदवाराचा चेहरा इलेक्ट्रॉनिक व्होटिंग मशीनच्या बॅलेट पेपरवरील तीन-चतुर्थांश भागावर असणार आहे.यामुळे मतदारांना उमेदवारांची ओळख पटवणे सोपे होणार आहे. त्याशिवाय क्रमांकालाही आता आधीपेक्षा अधिक महत्त्व दिले जाणार आहे.निवडणूक आयोग बिहार विधानसभा निवडणुकीपासून या उपक्रमाची सुरुवात करणार आहे. यासाठी निवडणूक आयोगाने मार्गदर्शक तत्त्वे जारी केली आहेत.