आता क्यूआर कोड स्कॅनरवरून माहीत पडणार डॉक्टर असली की नकली..!

उद्रेक न्युज वृत्त :-राज्यात एक लाख ९० हजार एमबीबीएस डॉक्टर असून त्यापैकी एक लाख ४० हजार डॉक्टरांनी त्यांची नोंदणीची नूतनीकरण प्रक्रिया पूर्ण केली आहे.डॉक्टरांबाबत कोणतीही माहिती नसतांना नागरिक डॉक्टरांचा फलक पाहूनच कोणत्याही क्लिनिकमध्ये उपचारासाठी जातात. बनावट पदवी असलेल्या डॉक्टरांकडून औषधे घेतल्याने रुग्णांना अनेकदा शारीरिक आणि आर्थिक नुकसान सहन करावे लागते.अशा बनावट डॉक्टरांपासून सुटका मिळवण्यासाठी आणि योग्य डॉक्टर ओळखण्यासाठी, एमएमसीने ‘नो युवर डॉक्टर’ मोहीम सुरू केली होती. काऊन्सिलकडून नो युवर डॉक्टर मोहिमेअंतर्गत डॉक्टरांना क्यूआर कोड दिले जात आहेत.क्यूआर कोड स्कॅन केल्यावर डॉक्टरांची पदवी,नोंदणी इत्यादी माहिती उपलब्ध होते.या अंतर्गत,सर्व एमबीबीएस डॉक्टरांना क्यूआर कोड घेण्यास सांगितले होते,परंतु चार महिन्यांत केवळ १० हजार डॉक्टरांनी क्यूआर कोड घेतला आहे.पण राज्यातील सर्व एमबीबीएस डॉक्टरांना क्लिनिकमध्ये क्यूआर कोड लावणे अनिवार्य करण्याच्या दिशेने एमएमसीने पावले उचलली आहेत.महाराष्ट्र मेडिकल कौन्सिलचे प्रशासक डॉ.विकी रुघवानी म्हणाले की, आतापर्यंत क्यूआर कोड नियम ऐच्छिक ठेवण्यात आला होता,परंतु आता तो अनिवार्य केला जाईल. यासाठी एक प्रस्ताव तयार करून राज्याच्या वैद्यकीय शिक्षण विभागाकडे मंजुरीसाठी पाठवला जाईल.प्रस्ताव मंजूर होताच,एमएमसी डॉक्टरांना पुन्हा क्यूआर कोड बसवण्यासाठी नोटीस बजावेल.क्यूआर प्रणालीकडे दुर्लक्ष करणाऱ्या डॉक्टरांवर कारवाई करण्यात येईल.त्यामुळे आता येत्या काळात डॉक्टरांना दिलेल्या क्यूआर कोड स्कॅनरवरून माहीत पडणार डॉक्टर असली की नकली.