देशातील दुसरी सर्वात तरुण खासदार प्रिया सरोजसोबत क्रिकेटपटू रिंकू सिंगचा साक्षगंध संपन्न..

उद्रेक न्युज वृत्त :-पेशाने वकील आणि देशातील दुसरी सर्वात तरुण समाजवादी पक्षाची विद्यमान खासदार प्रिया सरोजसोबत टीम इंडियाचा ऑल राऊंडर क्रिकेटपटू रिंकू सिंगचा साक्षगंधाचा कार्यक्रम काल,रविवारी ८ जून रोजी उत्तर प्रदेशातील लखनौच्या आलिशान सेंट्रम हॉटेलमध्ये मोठ्या थाटात संपन्न झाला.२६ वर्षीय प्रिया सरोज आणि क्रिकेटपटू रिंकू सिंग यांची भेट एका मैत्रिणीच्या माध्यमातून झाली होती.भेटीगाठी वाढत गेल्या आणि सरळ- सरळ विवाह बंधनात अडकण्याचा दोघांनीही निर्णय घेतला.साक्षगंधाच्या कार्यक्रमास समाजवादी पक्षाचे अध्यक्ष अखिलेश यादव,डिंपल यादव,खासदार

इकारा हसन सह राजकारणातील विविध मान्यवरांनी हजेरी लावली होती.बीसीसीआयईचे उपाध्यक्ष तथा काँग्रेसचे संसदीय सदस्य राजीव शुक्ला तसेच विशेष अतीथिंनी उपस्थिती दर्शविली होती.उत्तर प्रदेशमधील नावाजलेले नेते तुफानी सरोज हे प्रियाचे वडील असून

प्रिया पेशाने वकील आहे.तिने दिल्ली विद्यापीठातून शिक्षण घेतले असून २०२४ मध्ये मछली शहरातून

लोकसभा निवडणूक लढवली होती.त्यात प्रियाने भाजपच्या भोलानाथ सरोज यांचा पराभूत केला होता.