तीन दिवसांपासून जवान-नक्षल चकमक सुरू; चकमकीत ४५ लाखाचे बक्षीस असलेला जहाल नक्षलवादी ठार..

उद्रेक न्युज वृत्त :-छत्तीसगडच्या बिजापूर जिल्ह्यातील घनदाट जंगलात असलेल्या इंद्रावती राष्ट्रीय उद्यानात(नॅशनल पार्क) गेली तीन दिवसांपासून नक्षलविरोधी अभियान सुरू असून नक्षल्यांचा तळ असलेल्या इंद्रावती नॅशनल पार्क जवळ जवान आणि नक्षलवाद्यांमध्ये चकमक उडाली असून चकमकीत जहाल नक्षलवादी भास्कर सह तीन नक्षलवादी ठार झाले आहेत.पहिल्याच दिवशी राज्यांतील ‘मोस्ट वाँटेड’ व तीन कोटींचे बक्षीस असलेला ६९ वर्षीय केंद्रीय समिती सदस्य नरसिंहचलम उर्फ सुधाकर उर्फ गौतम याला कंठस्नान घालण्यात आले.दुसऱ्या दिवशी म्हणजेच काल शुक्रवारी ६ जूनला तेलंगणा राज्य समिती सदस्य व ४५ वर्षीय नक्षल कमांडर भास्कर उर्फ मैलारापू अडेल्लू याच्यासह दोन महिला नक्षलवाद्यांना,तर आज ७ जून रोजी आणखी तीन नक्षलवाद्यांना कंठस्नान घालण्यात आले.काल शुक्रवारी सकाळी झालेल्या चकमकीत ४५ लाख रुपये बक्षीस असलेला तेलंगाना राज्य समितीचा पदाधिकारी असलेला जहाल नक्षलवादी भास्कर ठार झाला.रात्री उशिरा त्याची ओळख पटली असून आज,शनिवार ७ जून सकाळपासून चकमक सुरू आहे.घटनास्थळावरून मोठ्या प्रमाणावर नक्षल साहित्य हस्तगत करण्यात आली असून यात एके-४७,इन्सास रायफल्स,देशी बनावटीचे पिस्तूल,ग्रेनेड,वायरलेस सेट आणि इतर नक्षल साहित्यांचा समावेश आहे.