पहिली पत्नी असतांना दुसरीचा मोह; लग्न सुरू असतांनाच पहिल्या पत्नीची मंडपात धडक..

गोंदिया :-काही तरुणांचे कथानक हे चित्रपटांप्रमाणे दिसून येतात.मात्र,चित्रपट आणि प्रत्यक्ष जीवन हे वेगळे असते.दिवसेंदिवस वाढत्या महागायीनुसार एकाच पत्नीला सांभाळणे अवघड जाते तर काहीजणांना पहिली पत्नी असतांनाच दुसऱ्या पत्नीचा मोह सुटेनासा झाला आहे.अशीच एक घटना गोंदिया शहरात नुकतीच बुधवारी ४ जून रोजी उघडकीस आली आहे.पहिल्या पत्नीला घटस्फोट न घेता बालाघाटहून गोंदिया येथे पळून येत दुसऱ्या महिलेसह विवाह करण्याचा प्रयत्न केला.याची माहिती तरुणाच्या पत्नीला होताच तिने गोंदिया गाठून विवाह होत असलेल्या ठिकाणी धडक दिली.यामुळे विवाह मंडपात एकच तारांबळ उडाली अन् नरदेव तरुण थेट मंडपातूनच त्या महिलेला घेऊन पसार झाला.प्रकरणी पत्नीने रामनगर पोलिस ठाण्यात तक्रार केली आहे.

रामनगर पोलिस ठाण्यात दिलेल्या लेखी तक्रारीनुसार पत्नीचे नाव रश्मी सहारे असून तिच्या पतीचे नाव रमेश सहारे आहे.ती बालाघाट येथील बुढी परिसरातील रहिवासी आहे.तिचा विवाह २१ जानेवारी २०१४ रोजी जोगीलाल सहारे यांचा मुलगा रमेश सहारे याच्यासह सर्व रीतिरिवाजानुसार झाले. लग्नाच्या काही वर्षानी,माझ्या पतीने आणि त्याच्या नातेवाइकांनी मला त्रास देण्यास सुरुवात केली. त्यानंतर मी माझ्या पती आणि त्याच्या नातेवाईकांविरुद्ध न्यायालयात याचिका दाखल केली. न्यायालयाच्या माध्यमातून मला पोटगी देखील मिळत आहे.माझ्या पतीने घटस्फोटाचा खटला देखील दाखल केला होता तो न्यायालयाने फेटाळून लावला आहे. यानंतर ४ जून २०२५ रोजी माझा पती मला घटस्फोट न देता बालाघाट येथील एका महिलेसोबत गायत्री मंदिर रामनगर येथे लग्न करत असल्याची माहिती मला मिळाली.मी माझ्या नातेवाइकांसह गायत्री मंदिरात पोहचली. तिथे माझे पती रमेश सहारे यांचे नातेवाईक उपस्थित होते.मी तिथे पोहोचल्यानंतर लग्न थांबविल्याचे तक्रारीत म्हटले आहे.बहिणी दुसऱ्या लग्नासाठी भावाला सहकार्य करीत असल्याचे पत्नीने केलेल्या तक्रारीत म्हटले आहे.