शिकार करून मांस शिजवणाऱ्यांना गंजासकट उचलले घरून..

गोंदिया :-वन्य प्राण्यांची शिकार करून चोरी छुपे

मांस खाणाऱ्यांची संख्या चंद्रपूर,गडचिरोली व इतर जिल्ह्यात भरपूर आहे.वन्य प्राण्यांची शिकार करणे वन्यजीव कायद्यानुसार मोठा गुन्हा मानला जातो. सापडला तर चोर अन्यथा शिरजोर.अश्यातच एका चितळाची शिकार करून मांस शिजवत असल्याची खबर वन विभागास मिळताच धाड टाकत शिकार करून मांस शिजवणाऱ्यांना गंजासकट चार जणांना घरून उचलल्याची घटना नुकतीच गोंदिया जिल्ह्याच्या सडक अर्जुनी वन विभागाअंतर्गत येणाऱ्या जांभळी गावात घडली.चितळ प्राण्याची शिकार झाल्याची माहिती वन विभागाला मिळाली.त्यानंतर,वन विभागाच्या पथकाने आरोपी लालचंद मेश्राम याच्या घराची चौकशी केली असता एका जर्मन भांड्याच्या गंजीमध्ये चितळाचे मास शिजवलेले आढळले. त्यावरुन,वन विभागाच्या अधिकाऱ्यांनी अधिक तपास करत चितळची शिकार करुन मांस खाणाऱ्या चौघांना अटक केली आहे.लालचंद मेश्राम,आनंद शेंद्रे, संतोष शेंडे आणि पुरणलाल जगनित असे अटक करण्यात आलेल्या चौघांची नावे आहेत.या चारही आरोपींना ७ जूनपर्यंत वन कोठडी सुनावण्यात आली आहे.घटनेचा पुढील तपास सडक अर्जुनीचे वनपरिक्षेत्र अधिकारी मिथुन तरोने यांच्या मार्गदर्शनाखाली सुरू आहे.