तुम्ही अर्ज केला काय? कुटूंबातील कर्ता पुरुष मृत पावल्यास शासनातर्फे २० हजाराचे अनुदान.. – चामोर्शी तालुक्यातील ६७ कुटुंबांना १३ लाख ४० हजारचे अनुदान वितरित…

गडचिरोली :-राष्ट्रीय कुटुंब लाभ योजनेअंतर्गत द्रारिद्रयरेषेखालील कुटूंबातील कर्ता पुरुष मृत्यु पावल्यामुळे,केंन्द्र व राज्य शासनातर्फे प्रती कुटुबांस एकरकमी रुपये २० हजार अनुदान दिले जाते.त्यानुसार केंन्द्र शासन व महाराष्ट्र शासन अंर्तगत “प्रशासन गाव की ओर” या उपक्रमांअतर्गत,चामोर्शी येथे तहसीलदार प्रशांत घोरुडे यांचे अध्यक्षतेखाली  तालुक्यातील द्रारिद्रयरेषेखालील पात्र असलेल्या एकुण ६७ लाभार्थी कुटुंबीयांना राष्ट्रीय कुटुंब लाभ योजनेअंतर्गत एकरकमी रुपये २० हजार प्रमाणे एकुण १३ लाख ४० हजार अनुदान वितरीत करण्यांत आले आहे.

“प्रशासन गाव की और” या उपक्रमांअतर्गत नायब तहसिलदार( संजय गांधी योजना)गिरीश नरोटे यांनी केंद्र व राज्य शासनाच्या विविध अनुदानाबाबत माहिती देऊन प्रस्तावना सादर केली.तर तहसिलदार प्रशांत घोरुडे यांनी लाभार्थींना प्रमाणपत्राचे वाटप व मार्गदर्शन केले.तसेच तलाठी कार्यालय निहाय राष्ट्रीय कुटुंब लाभ योजनेअंतर्गत पात्र लाभार्थ्यांची यादी प्रसिध्द करण्यात येत असुन,राष्ट्रीय कुटुंब लाभ योजनेअंतर्गत अर्ज केलेल्या सर्व लाभार्थी यांनी,तलाठी कार्यालयात आपले नाव मंजुर यादीमध्ये समावेश आहे अथवा नाही,याची खात्री करण्याचे आवाहन करण्यात आले.यावेळी राष्ट्रीय कुटुंब लाभ योजनेअंतर्गत पात्र लाभार्थ्यांना प्रमाणपत्र व ऑनलाइन अनुदान वाटप करण्यात आले. कार्यक्रमाच्या यशस्वितेसाठी महसुल अधिकारी जयश्री मडावी सह आनंद वाढई यांनी सहकार्य केले.