उमेदवाराचा झालेला पराभव जिव्हारी लागल्याने दोन तरुणांनी विष प्राशन करून केला आत्महत्येचा प्रयत्न..

छत्रपती संभाजीनगर :-जिल्ह्यातील कन्नड विधानसभा मतदारसंघाचे अपक्ष उमेदवार हर्षवर्धन जाधव यांचा झालेला पराभव जिव्हारी लागल्याने तालुक्यातील जामडी घाट येथील दोन तरुणांनी विष प्राशन करून आत्महत्याचा प्रयत्न केला असल्याची घटना काल शनिवारी दुपारी हा प्रकार घडला.

सुनील रामदास शिरसाठ वय ४२ वर्षे आणि आनंद वसंत जाधव वय ३० वर्षे अशी आत्महत्येचा प्रयत्न करणाऱ्यांची नावे आहेत.हे दोघेही जामडी घाट येथील रहिवाशी आहेत.काल,शनिवारी २३ नोव्हेंबरच्या सकाळी आठ वाजता मतमोजणी फेऱ्यांना सुरुवात झाली.दुपारी साडेबारावाजेच्या सुमारास चौदाव्या फेरीअखेरही अपक्ष उमेदवार हर्षवर्धन जाधव यांचे मतदान न वाढल्याने त्यांचा पराभव निश्चित आहे हे लक्षात येताच सुनील शिरसाठ याने विष प्राशन केले.त्यास नातेवाईकांनी कन्नड ग्रामीण रुग्णालयात दाखल करण्यात आले.यावेळी त्यास पाहण्यासाठी मित्र आनंद जाधव हा आला. त्यानेही रुग्णालयाच्या बाहेर येत विष प्राशन केले. दोघांनाही कन्नड येथील ग्रामीण रुग्णालयात उपचार करण्यात आले.नंतर आनंद जाधव यास पुढील उपचारासाठी छत्रपती संभाजीनगर येथील जिल्हा ग्रामीण रुग्णालयात हलविण्यात आले.दरम्यान, घटनेची माहिती मिळताच हर्षवर्धन जाधव यांनी रुग्णालयात भेट देऊन शिरसाट यांच्या प्रकृतीची विचारपूस करत असे चुकीचे कृत्य न करण्याचे आवाहन मतदारसंघातील तरुणांना केले आहे.