अन् ‘त्या’ पोलीस शिपायाने स्वतःवरच झाडली गोळी.. – पोलिस कर्मचारी बहिणीला व्हॉट्सॲप मॅसेज करीत पीएसआयसह तिघांची टाकली नावे…

राकेश भांडारकर हे दोन ते तीन वर्षांपासून बिरसी विमानतळावर कर्तव्यावर आहेत.काल रविवारी पाइंटवर ड्यूटी करीत असतांना तेथील अधिकारी व काही सहकारी त्यांना इकडे-तिकडे पाठवित मानसिक त्रास देत होते.वारंवारच्या त्रासामुळे तणावात आलेल्या राकेश यांनी स्वतः जवळील असलेल्या एसएलआर रायफलने स्वतःवर गोळी झाडून आत्महत्या केल्याचे बोलले जाते.

राकेश भांडारकर यांची बहीण अरुणा भांडारकर यादेखील गोंदिया पोलिस दलात पोलिस कर्मचारी म्हणून कार्यरत आहेत.राकेशने काल दुपारी २ वाजून ४८ मिनिटांनी आपल्या बहिणीच्या मोबाइलवर एक व्हॉट्सॲप मॅसेज पाठविला राखीव लोक असतांना मला पाइंटवरून बोलावत आहेत.माझ्या मरणाला कारणीभूत हे तीन लोक आहेत,असा मॅसेज टाकून त्या मॅसेजमध्ये एका पीएसआयसह तिघांची नावे टाकली आहेत.