हायवा ट्रकचा हूक टेम्पोला अडकला; टेम्पो उलटला – ३० मजूर जखमी तर एक ठार…

नागभीड(चंद्रपूर) :-मजुरांना घेऊन जाणाऱ्या टेम्पोचा काल, मंगळवारी १ ऑक्टोंबरच्या सकाळी ९:३० वाजता अपघात झाल्याने एक महिला ठार तर ३० मजूर महिला जखमी झाल्या.यातील चौघींची प्रकृती गंभीर असून,पवनी (भंडारा) येथे उपचारासाठी हलविण्यात आले.गायत्री रोशन हेमणे वय ३३ वर्षे,रा.डोंगरवार असे मृतक महिलेचे नाव आहे.

नागभीड तालुक्यातील नागभीड,पेंढरी,कसर्ला डोंगरगाव येथील मजूर नागपूर जिल्ह्यातील भिवापूर तालुक्यात सोयाबीन काढण्याच्या मजुरीला जात होते. मजुरांची ने-आण करण्यासाठी वाहनाची सोय करण्यात आली होती.

दररोजप्रमाणे ३५ मजुरांचा समूह एम.एच.३४ बीजी १७२० क्रमांकाच्या टेम्पोने भिवापूरकडे जात होता. दरम्यान,कांपाजवळ नागपूरकडून येणाऱ्या हायवा ट्रकचा हूक टेम्पोला अडकला.त्यामुळे टेम्पो उलटून ३५ मजूर जखमी झाले.गंभीर जखमी झालेल्या गायत्री हेमणे या महिलेचा उपचारादरम्यान मृत्यू झाला.या घटनेने हळहळ व्यक्त होत आहे.

सुषमा हजारे,शशिकला धनविजय,शकुंतला ढोक, रेखा नन्नावरे,मंगला बागडे,गोपाल नक्षिने,ज्योती नक्षिने,रुख्मावती गजभे,संगीता श्रीरामे,राजू कामडी, विलास मंडपे,विनोदा मंडपे,कांता माटे,ममता शेरकुरे, मीरा पाथोडे,मनीषा नन्नावरे,तनुजा हेमणे,कांता मेश्राम, दुर्गा शेरकुरे,सुमित्रा वुईके,माया मेश्राम,वैजंता रामटेके, सुनंदा रामटेके,जनाबाई पाथोडे,कमला जांभुळे, बेबी श्रीरामे,शारदा हेमणे यांचा जखमींमध्ये समावेश आहे.सर्व जखमींना भंडारा जिल्ह्यातील भुयार प्राथमिक आरोग्य केंद्रात दाखल करण्यात आले.तनुजा भेंडारकर, जिजा हेमणे,मीना हेमणे यांची प्रकृती गंभीर असल्याने पवनी येथे हलविण्यात आले. जखमींवर वैद्यकीय अधिकारी डॉ.आदित्य कानडे, परिचारिका रुक्षणा मेश्राम,चुनौती देशमुख उपचार करीत आहेत.