उद्रेक न्युज वृत्त
नागभिड(चंद्रपूर) :- वैद्यकीय व्यवसायाचा कुठलाही परवाना नसताना बोगस डॉक्टरकीचा व्यवसाय करणाऱ्या एका बोगस डॉक्टरला नागभिड तालुक्यात कानपा गावी अटक करण्यात आली आहे.बिशू संतोष सरकार वय ३० वर्षे असे बोगस डॉक्टरचे नाव आहे.ही कार्यवाही जिल्हा दंडाधिकारी यांच्या अध्यक्षतेखाली स्थापन करण्यात आलेल्या पुनर्विलोकन समितीच्या चौकशीवरून करण्यात आली आहे.या कार्यवाहीमुळे बोगस डॉक्टरांचे धाबे दणाणले आहेत.
ग्रामीण भागातील गावामध्ये अनेक बोगस व्यक्ती परवाना नसतानाही डॉक्टरकीचा व्यवसाय करतात व ग्रामीण जनतेची लूट करतात.कधीकधी तर बोगस डॉक्टरकीमुळे नागरिकांचा जीव जाण्याच्या घटना घडलेल्या आहेत.त्यामुळे बोगस वैद्यकीय व्यावसायिकावर आळा घालण्यासाठी प्रतिबंधात्मक कारवाई करण्यासाठी जिल्हा दंडाधिकारी यांच्या अध्यक्षतेखाली पुनर्विलोकन समिती स्थापन करण्यात आली आहे.
याच समितीने नागभीड तालुक्यात वैद्यकीय विभागाच्या समितीने पाहणी केली.या दरम्यान तालुक्यातील कानपा येथे कावळे यांच्या घरी बंगालमधील बिशू सरकार हा व्यक्ती कुठलाही वैद्यकीय व्यवसायाचा परवाना नसताना वैद्यकीय व्यवसाय करताना चौकशीत आढळून आला.समितीने बोगस डॉक्टरच्या दवाखान्यात छापा टाकला असता अलिओपॅथी औषधे जप्त करण्यात आली. यावरून तालुका आरोग्य अधिकारी विनोद मडावी यांनी पोलीस स्टेशन नागभीड येथे तक्रार नोंदविली आहे.
