सोने-चांदीच्या दरांनी सर्व विक्रम मोडले; नवीन खरेदीदार बाजारातून गायब..!

उद्रेक न्युज वृत्त :-जागतिक घडामोडी आणि वाढत्या मागणीमुळे सोने-चांदीच्या दरांनी सर्व विक्रम मोडीत काढले आहे.शनिवारच्या तुलनेत सोमवारी २४ कॅरेट सोन्याच्या दरात ३ टक्के जीएसटीसह १ हजार ५०० रुपयांची वाढ होऊन दर १ लाख ४४ हजार २०० रुपये आणि चांदीत तब्बल ९ हजारांची वाढ होऊन विक्रमी भावपातळी २ लाख ६३ हजार ४०० रुपयांवर पोहोचली. दररोज बदलणाऱ्या किमतींमुळे ग्राहकांमध्ये संभ्रमाचे वातावरण आहे.या वाढीमुळे सण-उत्सवांच्या काळातही अपेक्षित उलाढाल होतांना दिसत नाही.चांदीच्या किंमतीत ९ हजारांची एका दिवसातील वाढ ही ऐतिहासिक आहे,असे मत सराफा व्यापाऱ्यांनी व्यक्त केले.सोने दीड लाखाच्या दिशेने वाटचाल करत आहे.तर चांदीने २.६३ लाखांची पातळी ओलांडल्याने सर्वसामान्यांचे बजेट पूर्णपणे कोलमडले आहे.सध्या लग्नसराईचे दिवस आहेत.भाव गगनाला भिडल्याने नागरिक दागिने खरेदीऐवजी केवळ जुने सोने मोडून व्यवहार करण्यावर भर देत आहेत.नवीन खरेदीदार मात्र बाजारातून गायब झाले आहेत.दररोज बदलणाऱ्या किंमतींमुळे ग्राहकांमध्ये संभ्रमाचे वातावरण आहे.या वाढीमुळे सण-उत्सवांच्या काळातही अपेक्षित उलाढाल होतांना दिसत नाही.