सुरक्षा दलास मोठे यश; चार नक्षलवाद्यांचा खात्मा..

उद्रेक न्युज वृत्त :-छत्तीसगडच्या बिजापूर जिल्ह्याच्या नैऋत्य भागातील बासगुडा आणि गंगलुर पोलिस ठाण्याच्या सीमावर्ती जंगलात नक्षलवादी असल्याच्या गुप्त माहितीच्या आधारे काल,शनिवार २६ जुलै रोजी सुरक्षा दलांनी शोध मोहीम राबवली असता सुरक्षा दल आणि नक्षलवाद्यांमध्ये चकमक सुरू झाली.सदरची चकमक आज,रविवार २७ जुलै रोजी दुपारपर्यंत सुरू होती.चकमकीनंतर, घटनास्थळाच्या शोध मोहिमेत सुरक्षा दलांना मोठे यश मिळाले असून चकमकीत दोन महिलांसह चार नक्षलवाद्यांचा खात्मा करण्यात आला आहे.चार नक्षलवाद्यांवर शासनाच्या वतीने तब्बल १७ लाख रुपयांचे बक्षीस जाहीर केले होते.चकमकीच्या ठिकाणाहून एक एसएलआर,एक इन्सास,एक ३०३ रायफल,एक १२ बोर बंदूक,बीजीएल लाँचर,सिंगल शॉट शस्त्रासह मोठ्या प्रमाणात स्फोटके आणि इतर साहित्य जप्त करण्यात आले.खात्मा करण्यात आलेल्या नक्षल्यांमध्ये १.हुंगा,(ACM),प्लाटून क्रमांक-१०,दक्षिण उपक्षेत्रीय ब्युरो (रुपये ५ लाखाचे  बक्षीस), २.लक्खे,(ACM),प्लाटून क्रमांक-३०,दक्षिण उपक्षेत्रीय ब्युरो (रुपये ५ लाखाचे बक्षीस), ३.भीमे,(ACM),दक्षिण उपक्षेत्रीय ब्युरो(रुपये ५ लाखाचे बक्षीस), ४.निहाल उर्फ राहुल,पक्ष सदस्य,ब्युरो कम्युनिकेशन टीम प्रमुख,(रुपये २ लाखाचे बक्षीस) अशी नक्षलींची नावे आहेत.