शेतकऱ्याची गळफास घेऊन आत्महत्या..

गडचिरोली :-एका ६२ वर्षीय शेतकऱ्याने गळफास घेऊन आत्महत्या केल्याची घटना आज,शुक्रवार ६ फेब्रुवारी रोजी दुपारच्या सुमारास गडचिरोली तालुक्याच्या पोर्ला गाव परिसरातील शेतशिवरात उघडकीस आली.गिरिधर कोलते वय ६२ वर्षे,रा.पोर्ला, ता.जि.गडचिरोली असे आत्महत्या केलेल्या शेतकऱ्याचे नाव असून शेतकरी गिरिधर कोलते हे आज शुक्रवारी सकाळच्या सुमारास शेतावर गेले होते.दरम्यान,दुपारच्या सुमारास परिसरातील नागरिकांना शेत शिवारातील एका आंब्याच्या झाडाला लटकलेल्या अवस्थेत दिसून आले. लागलीच घटनेची माहिती गावातील पोलिस पाटील हितेंद्र बारसागडे यांना देण्यात आली.बारसागडे यांनी गडचिरोली पोलिसांशी संपर्क साधून पोलिसांना पाचारण करण्यात आले.गडचिरोली पोलिसांनी घटनास्थळ गाठून पंचनामा केला व मृतदेह शवविच्छेदनासाठी गडचिरोली जिल्हा सामान्य रुग्णालयात पाठविला. गिरिधर कोलते यांचे पश्चात पत्नी,मुले असा आप्त परिवार असून आत्महत्येचे कारण अद्याप कळू शकले नाही.प्रकरणाचा पुढील तपास गडचिरोली पोलिस प्रशासन करीत आहे.