उद्रेक न्युज वृत्त
मुंबई:- राज्याचे मुख्यमंत्री एकनाथ शिंदे यांनी आज आपल्या वाढदिवस दिनाचे औचित्य साधून हिंदुहृदयसम्राट बाळासाहेब ठाकरे “आपला दवाखाना” या योजनेच्या विस्ताराची घोषणा केली.मुंबईपाठोपाठ आता राज्यातील प्रत्येक तालुक्याच्या मुख्यालयी आपला दवाखाना सुरू होणार असून सुमारे ५०० ठिकाणी आपला दवाखान्याचा शुभारंभ करण्यात येणार असल्याची घोषणा मुख्यमंत्री शिंदे यांनी केली आहे.
राज्यातील सर्व जिल्हा रुग्णालये,उपजिल्हा रुग्णालये, ग्रामीण रुग्णालये,स्त्री रुग्णालये,नागरी सामुदायिक आरोग्य केंद्र,नागरी प्राथमिक आरोग्य केंद्र व ग्रामीण भागातील प्राथमिक आरोग्य केंद्रांत “आरोग्य शिबिरांचे आयोजन करण्यात आले आहे.या आरोग्य शिबिरात नागरिकांची मोफत आरोग्य तपासणी होईलच, सोबतच त्यांना आवश्यक ते उपचार देखील मिळतील.याचाही लाभ राज्यभरातील जनतेला होईल; असे मुख्यमंत्र्यांनी सांगितले.
