मित्रांसोबत नदी पात्रात आंघोळीसाठी गेलेल्या विद्यार्थ्याचा बुडून मृत्यू..

सोमवारच्या सायंकाळी लक्की हा त्याच्या चार मित्रांसह कन्हान शहरालगत वाहणाऱ्या कन्हान नदीच्या तीरावर फिरायला गेला होता.सर्व मित्र नदीपात्रात आंघोळ करू लागल्याने लक्कीदेखील पाण्यात उतरला.काही वेळाने खोल पाण्यात गेल्याने तसेच पोहता येत नसल्याने तो गटांगळ्या खाऊ लागला.लक्की गटांगळ्यात खात बुडत असल्याचे लक्षात येताच त्याचे सर्व मित्र जोरजोरात आरडाओरड करीत नदीच्या काठावर आले.क्षणात लक्की पाण्यात दिसेनासा झाला.माहिती मिळताच ठाणेदार वैजयंती मांडवधरे यांनी सहकाऱ्यांसह घटनास्थळ गाठून स्थानिकांच्या मदतीने त्याचा पाण्यात शोध घेतला.काही वेळात त्याचा मृतदेह शोधण्यात यश आले. लक्कीला पण्याबाहेर काढून तातडीने कामठी उपजिल्हा रुग्णालयात नेले असता डॉक्टरांनी मृत घोषित केले.घटनेच्या दिवशी लक्कीचे आई-वडील लग्नासाठी गोंदियाला गेले होते.दुर्घटनेची माहिती मिळताच ते तातडीने कामठी येथे पोहोचले, रुग्णालयात मुलाचा मृतदेह पाहताच आई-वडील आणि बहिणीने हंबरडा फोडला.दरम्यान,पोलिसांनी आकस्मिक मृत्यूची नोंद केली आहे.