मंत्री तथा भाजप नेत्या पंकजा मुंडेंना वारंवार अश्लील मॅसेज व त्रास देणाऱ्यास अटक..

महाराष्ट्र सायबर पोलिसांनी पुण्यातील भोसरी येथून अमोल काळेला बेड्या ठोकल्या असून पंकजा मुंडेंना  काही दिवसांपासून सातत्याने त्रासदायक कॉल आणि आक्षेपार्ह मॅसेज येत होते.याप्रकरणी भाजपचे महाराष्ट्र कार्यालयातील सोशल मीडिया समन्वयक २६ वर्षीय निखिल भामरे यांनी मुंबईतील नरिमन पॉइंट येथे तक्रार दाखल केली होती.त्यानंतर सायबर पोलिसांनी याप्रकरणी कारवाई केली.निखिल भामरे याच्या तक्रारीनंतर सायबर पोलिसांनी या प्रकरणाचा तपास केला.त्यानंतर सायबर पोलिसांनी आरोपी अमोल काळेला पुण्यातील भोसरी येथून ताब्यात घेतले.अमोल काळेच्या विरोधात सायबर पोलिसांनी बीएनएसच्या कलम ७८ आणि ७९ तसेच आयटी कायद्याअंतर्गत गुन्हा दाखल केला.आरोपी काळे याने आपला गुन्हा कबूल केला असून पोलिसांनी त्याला आज शुक्रवारी कोर्टात हजर केले असता न्यायालयाने त्याला दोन दिवसांची पोलीस कोठडी सुनावली आहे.