मंतैय्या बेडके यांना राष्ट्रीय शिक्षक पुरस्कार जाहीर… -एटापल्ली तालुक्याच्या जाजवंडी जिल्हा परिषद शाळेचे शिक्षक..

गडचिरोली :-एटापल्ली तालुक्यातील जाजवंडी येथील जिल्हा परिषद उच्च प्राथमिक शाळेचे शिक्षक मंतैय्या बेडके यांना राष्ट्रीय शिक्षक पुरस्कार जाहीर झाला आहे.

जिल्हा परिषदेच्या मुख्य कार्यकारी अधिकारी आयुषी सिंह तसेच शिक्षणाधिकारी बाबासाहेब पवार यांनी  बेडके यांचे अभिनंदन केले आहे.महाराष्ट्रातील केवळ दोनच शिक्षकांना हा राष्ट्रीय पुरस्कार जाहीर झाला असून त्यात कोल्हापूर येथील सागर बगाडे व गडचिरोली जिल्ह्यातील एम.ए.बि.एड.असलेले मंतैय्या बेडके यांचा समावेश आहे.

५ सप्टेंबर २०२४ रोजी दिल्ली येथे आयोजित कार्यक्रमात बेडके यांना रजत पदक व ५० हजार रुपये रोख पुरस्कार देऊन सन्मानित करण्यात येणार आहे.

एटापल्ली तालुक्यातील जाजवंडी जिल्हा परिषद उच्च प्राथमिक शाळेचे शिक्षक मंतैय्या चिन्नी बेडके यांना राष्ट्रीय शिक्षक पुरस्काराने सन्मानित करण्यात येणार असल्याने गडचिरोली जिल्हा परिषदेला त्यांचा अभिमान आहे.त्यांनी आदिवासी,अतिदुर्गम भागात दिलेल्या सेवेचे फलित असून महाराष्ट्रातील फक्त दोनच शिक्षकांना हा सन्मान मिळाला आहे व बेडके हे त्यापैकीच एक आहेत.