उद्रेक न्युज वृत्त
देसाईगंज:- तालुक्यातील चोप येथील विक्रांत भाऊराव कुथे यांना एम.आय.टी.वर्ल्ड पीस युनिव्हर्सिटी पुणे मधील ‘बेस्ट आऊट गोइंग स्टुडन्ट अवॉर्ड २०२३’ सन्मानित करण्यात आले आहे. एम.आय.टी.वर्ल्ड पीस युनिव्हर्सिटी पुणे येथील विवेकानंद आडीटोरीयम येथे पार पडलेल्या ३ दिवसीय उमंग सोशीयल गॅदरिन्ग २०२३ दरम्यान विक्रांतला मराठी सिनेसृष्टीतील सिनेमॅटोग्राफर महेश लिमये (चीफ गेस्ट) यांच्या हस्ते सन्मानचिन्ह व प्रमाणपत्र देऊन हा पुरस्कार प्रदान करण्यात आला. विक्रांतने ऑगस्ट २०२० मध्ये एम.आय.टी.पुणेला स्पेसिऍलिसशन इन गव्हर्नमेंट अँड ऍडमिनिस्ट्रेशन ह्या तीन वर्षीय डिग्री कोर्स साठी ऍडमिशन घेतली होती.
‘बेस्ट आऊट गोइंग स्टुडन्ट अवॉर्ड २०२३’ ने सन्मानित विक्रांत कुथे यांनी पुणे याठिकाणी देसाईगंज तालुक्यातील चोप गावाचे नाव उज्वल केल्याने आज १३ मार्च २०२३ रोजी चोप ग्रामपंचायतीच्या ग्रामसभागृहात विक्रांत कुथे यांचा शाल व श्रीफळ देऊन सत्कार करण्यात आला.यावेळी ग्रामपंचायतीचे सरपंच नितीन लाडे,माजी सरपंच आत्माराम सूर्यवंशी,राष्ट्रवादी काँग्रेस पार्टीचे जिल्हा संघटक राधेश्याम बरिय्या,ग्रामपंचायत उपसरपंच प्रकाश डोंगरवार,ग्रामपंचायत सदस्य मनीषा उईके, निर्मला उपरीकर,भाऊराव उइके, रुपराम लांजेवार,हरी कुथे व ग्रामस्थ उपस्थित होते.
