बसमध्ये तरुणीवर अत्याचार; आरोपी पसार..

पुणे :- बसस्थानक परिसरात उभ्या शिवशाही बसमध्ये एका २६ वर्षीय तरुणीवर अत्याचार (बलात्कार) झाल्याची घटना काल,मंगळवारी पहाटे साडे पाचच्या सुमारास घडली असून आज,बुधवारी दुपारच्या उघडकीस आल्याने राज्यात सदर घटनेबाबत सर्वत्र संतापाची लाट उसळली आहे.

अधिक माहिती अशी की,पीडित तरुणी काल मंगळवारी पहाटेच्या सुमारास पुण्याहून फलटणला जाण्यास निघाली होती.त्यातच ती स्वारगेट बसस्थानकावर बसची वाट पाहत थांबली होती.अशातच ती बसची वाट पाहत असतांना एक अज्ञात इसम तिच्याजवळ येऊन बोलू लागला व तिची बस दुसरीकडे असल्याचे भासवून तिला दुसऱ्या बसकडे नेले.बसमध्ये कुणीही नसल्याचे पाहून त्याने तिच्यावर अतिप्रसंग करून बलात्कार केला. व आरोपी घटनास्थळावरून पसार झाला.त्यातच तरुणीने घडलेला सर्व प्रकार मित्राला सांगितला. मित्राने घटनेबाबत पोलिसात तक्रार दाखल करण्याचा सल्ला दिला.त्यानुसार तरुणीने पोलिसांत धाव घेत तक्रार दाखल केली.त्यानुसार सर्व प्रकार उघडकीस आल्याने सर्वत्र संतापाची लाट उसळली आहे. पीडितेच्या तक्रारीवरून पोलिसांनी अज्ञात आरोपीविरोधात बलात्काराचा गुन्हा दाखल करून तपास सुरू केला आहे.पोलिसांनी स्वारगेट बस स्थानक परिसरातील सीसीटीव्हीच्या आधारावर आरोपीची ओळख पटवली असून दत्तात्रय रामदास गाडे असे आरोपीचे नाव आहे.त्याच्यावर शिक्रापूर व शिरूर पोलिस ठाण्यात गुन्ह्याची नोंद आहे.आरोपी अद्यापही फरार असल्याने पोलीस त्याच्या मागावर आहेत.