उद्रेक न्युज वृत्त
एखादा बैंक कर्मचारी जेवणाच्या सुट्टीच्या नावाखाली तुमचे काम ताटकळून ठेवतअसेल, तर तुम्ही त्याच्याविरुद्ध बँकेतील तक्रार पुस्तिकेत तक्रार नोंदवू शकता.त्याची दखल घेतली जात नसेल तर व्यवस्थापक, नोडल अधिकाऱ्यांकडेही तक्रार करता येते. शिवाय, प्रत्येक बँकेत निवारण मंच असतात. या मंचाचा फोन नंबर, ई-मेल आयडी तुम्ही बँकेकडून मिळवू शकता.
बँकेच्या ‘कस्टमर केअर’ला कॉल करून हा नंबर मिळवता येऊ शकतो.बँकेने महिनाभरापर्यंत तक्रारीची दखल न घेतल्यास बँकिंग लोकपालांकडे अपिलात जाता येते.कुठलीही बँक अगर त्या बँकेतील कर्मचारी जेवणाच्या सुट्टीच्या नावाखाली ग्राहकांना ताटकळत ठेवू शकत नाहीत. माहितीच्या अधिकारात स्वतः रिझर्व्ह बँकेने ही माहिती सार्वजनिक केली आहे.बँकेतील कर्मचारी एकाचवेळी जेवणाची सुट्टी घेऊ शकत नाहीत.एकेकाने सोयीनुसार अशी सुट्टी घ्यावयाची असते. बँकेच्या कामकाजाच्या एकूण संपूर्ण वेळात सामान्य व्यवहार हा सुरूच राहिला पाहिजे.
कर्ज नाकारण्याचे कारण द्या-
तुमच्या कर्जाचा अर्ज कारण नमूद केल्याशिवाय बँक रद्द करू शकत नाही.तसे बँकेने केल्यास तुम्ही तक्रार करू शकता.
हेही जाणून घ्या….
बँकेकडून ‘चेक कलेक्शन’मध्ये विलंब झाल्यास बँकेला ग्राहकास भरपाई द्यावी लागेल.खात्यात बॅलन्स नसल्याने ईसीएस (इलेक्ट्रॉनिक क्लिअरिंग सर्व्हिस) फेल झाल्यास ग्राहक म्हणून तुम्हाला दंड भरावा लागेल. तुम्ही देशातील कुठल्याही बँकेत फाटक्या, जुन्या नोटा बदलू शकता. कुठलीही बँक तुम्हाला त्यासाठी नकार देऊ शकत नाही. तुमच्याकडून दिल्या गेलेल्या ‘इलेक्ट्रॉनिक क्लिअरिंग सर्व्हिस इन्स्ट्रक्शन्स मध्ये बँकेकडून विलंब झाल्यासही ग्राहक म्हणून तुम्हाला भरपाई मिळेल.
