उद्रेक न्युज वृत्त
देसाईगंज(गडचिरोली):-अपघात ग्रस्त लोकांना सतत मदत करणारे आनंदसिंग चावला व जसपालसिंग चावला यांनी अपघातग्रस्त रुग्णाला तात्काळ दवाखाण्यात उपचारासाठी भरती करुन पुन्हा माणुसकीचे दर्शन घडविले आहे.देसाईगंज शहरात नेहमीच्या वर्दळीमुळे सतत अपघात होत असतात.जेव्हा-जेव्हा अपघात घडतात तेव्हा-तेव्हा आनंदसिंग चावला व जसपालसिंग चावला हे मदतीला धाऊन जातात.आज,देसाईगंज-ब्रम्हपुरी मार्गावर वैनगंगा नदिच्या पुलावर दुपारच्या सुमारास दुचाकीस्वार भाष्कर गेडाम याला चारचाकी वाहनाने जबर धडक दिली.घटनेची माहिती मिळताच चावला बंधु ताबडतोब घटनास्थळावर दाखल होऊन त्या अपघातग्रस्त रुग्णाला ग्रामिण रुग्णालय देसाईगंज येथे दाखल केले.आत्तापर्यंत या भावंडांनी १०० हुन अधिक अपघातग्रस्त रुग्णांना मदतीचा हात दिला असुन या इश्वरी कार्याच्या माध्यमातुन माणुसकीचे दर्शन घडविले आहे.
