- Advertisement -
- Advertisement -
- Advertisement -
- Advertisement -
उद्रेक न्युज वृत्त
देसाईगंज(गडचिरोली):-म्हणतात ना ‘हम नहीं सुधरेंगे’ अशीच प्रचिती हल्ली गडचिरोली जिल्ह्याच्या देसाईगंज तालुक्यात उघडकीस येऊ लागल्याने किती हास्यास्पद म्हणावे लागेल.अशातच आता टेबलाखालून छपाई करणाऱ्यांची टीम ॲक्टिव्ह होताच अवैध गौण खनिज चोरांचा परत पुन्हा सुळसुळाट सुरू झाल्याच्या चर्चा तालुक्यात सर्वत्र दबक्या आवाजात सुरू झाल्यात. त्यामुळे काहीकाळ थंड पडलेले खिसे,गरम तर होऊ लागले नाहीत ना..! अश्या चर्चांना उधाण आले आहे.
सध्या स्थितीत जिल्ह्यात,तालुक्यातच नव्हे तर राज्यात सगळीकडेच मोठ्या प्रमाणावर अवैध गौण खनिज उत्खनन सुरू आहे.मात्र,दिवसाढवळ्या तसेच खुलेआम गौण खनिज चोऱ्यांना प्रोत्साहित करणारे बाहेर ठिकाणाहून जिल्ह्यात पदार्पण करून,झोऱ्या भर-भरून,काळा पैसा गोळा करून घेऊन जाऊ लागलेत.इतर कामामांव्यतिरिक्त अवैध गौण खनिज चोरीच्या माध्यमातून छप्पर फाड कमाई होत असल्याने काहीकाळ ज्यांचा कुठल्याही क्षेत्रात नामो निशाण नव्हता,अशांना आता ‘भाईजी’ म्हणून ओळख निर्माण झाली आहे.’मैं झुकेगा नहीं पर सबको झुकाऊंगा’ असे करीत इथे ‘पैसा बोलता हैं’ अशी अवस्था झाली आहे.त्यामुळे अनेकजण नतमस्तक होऊन ‘भाईजी’ चीच भाषा वापरू लागले आहेत. टेबलाखालून छपाई करणाऱ्यांची संख्या दिवसेंदिवस झपाट्याने वाढू लागली आहे.मात्र,त्यास काही मर्यादाही आहेत; अन्यथा मर्यादे पलीकडे नर्मदा परिक्रमा करावे लागण्याची शक्यता वर्तविण्यात येत आहे.मुख्यत्वे टाळी एकाच हाताने वाजत नाही.पण ज्यावेळी टाळी वाजविणारे हात उंच दूरवर गेले की,स्वतःला सावरण्याची संधी मिळणार नसल्याचे चित्र दिसून येत आहे.म्हणतात ना,कायद्यापेक्षा कुणीही मोठा नाही,इथे सर्वजण एकाच लाईनमध्ये उभे होत असतात.त्यामुळे टेबलाखालून छपाई करणाऱ्यांची टीम ॲक्टिव्ह जरी झाली असली तरीही ‘जरा थांबा..पुढील घंटा ही धोक्याचीच’ म्हणावीच लागेल,असे काहींचे म्हणणे आहे.
- Advertisement -

